2016թ.-ի բյուջեն պետք է հիմք ծառայի առավելագույն ցուցանիշներ ստանալու համար

Մանե Զաքարյանը ֆեյսբուքյան իր էջում գրում է.

Ժամեր առաջ խորհրդարանը հաստատեց 2016թ.-ի պետբյուջեն: Կողմ քվեարկեցին խորհրդարանական խմբակցություններից 2-ը: 97 կողմ, 12 դեմ և 3 ձեռնպահ ձայների հարաբերակցությամբ. ԱԺ-ն ծափահարությունների ներքո ընդունեց պետական բյուջեի նախագիծը: 

ԱԺ-ում 2016թ-ի բյուջեին կողմ քվեարկողների քանակն արդեն իսկ վկայում է այն մասին, որ գործադիրի ներկայացրած ֆինանսական գլխավոր փաստաթուղթը հավանության է արժանացել ԱԺ պատգամավորների գերակշռող մեծամասնության կողմից: Հարկ է նշել, որ հազվադեպ են այն նախաձեռնությունները և օրինագծերը, որոնց պատգամավորների գերակշռեղ մեծամասնությունը կողմ է քվեարկում:

Մեծ թվով պատգամավորների կամարտահայտությունը 2016թ-ի բյուջեի նախագծի հաստատման օգտին պայմանվորված է նաև այն հանգամանքով, որ նրանում տեղ են գտել ներկայիս իրավիճակին և հնարավոր զարգացումներին համպատասխանող ցուցանիշներ: Պետք է փաստել, որ առավել ցանկալի կլիներ, որ նախագծում ներկայացված լինեին աճի տեմպերի բարձր ցուցանիշներ, սակայն փաստենք, որ այդ դեպքում ոչ միայն կմեծանային հնարավոր ռիսկերը, այլև զգալիորեն կբարդանար տնտեսության զարգացումը: Միայն իրավիճակի ճշգրիտ դիագնոզը հնարավորություն կտա համապատասխան քայլեր ձեռնարկել թիրախային ուղղություններով գործելու համար:

Հարկ է նշել, որ 2016թ-ի բյուջեի նախագծում հաշվի են առնված առաջին հերթին մեր տարածաշրջւանում տեղի ունեցող աշխարհաքաղաքական զարգացումները: Կարճաժամկետ հեռնակարում պարզ է, որ ՌԴ-ի դեմ կիրառվող պատժամիջոցների պարագայում ռուբլու փոխարժեքի անկումը և ՌԴ տնտեսական իրավիճակի բարդացումը շարունակելու են իրենց նեգատիվ հետևանքները թողնել ՀՀ տնտեսության վրա, ինչի ապացույցը ՌԴ-ից եկող տրանսֆերտների և առևտրաշրջանառության նվազումն է:

Մյուս կողմից առկա են աշխարհաքաղաքական տարբեր ռիսկեր, որոնք կարող են իրենց ոչ բարվոք ազդեցությունը ունենալ ՀՀ տնտեսության վրա:
Այնուամենայնիվ իրավիճակին համապատասխան հիմնական ֆինանսական փաստաթուղթը ներկայացնելը չպետք է նշանակի, որ կարելի է հանգստանալ դափնիների վրա, կամ այսպես ասած բավարարվել ձեռք բերվածով, այլ պետք հիմք ծառայի աշխատելու այն ուղղություններով, ինչը թույլ տկա ստանալ առավելագույն ցուցանիշ: