ԱԱԾ նախկին ղեկավարը փակեց «մուտիլովշիկների» բերանը
Հայաստանում ներկայումս քաղաքականպես լուրջ ճգնաժամային իրավիճակ է, որից դուրս գալու ուղիները դեռևս անհասկանալի են ու փակուղային։ Նիկոլ Փաշինյանի կողմից քաղաքական դաշտում տարբեր արհեստական բևեռացումների պատճառով մենք ակնհայտորեն ականատես ենք լինում հասարակության մասնատմանն ու բացահայտ ատելության խորացմանը։
Ինչպես հայտնի է՝ 44-օրյա պատերազմում կրած պարտությունից հետո Նիկոլ Փաշինյանը փորձում էր ամեն ինչում տարբեր մեղավորներ փնտրել, և ամենատարբեր հարցերի հետ կապված մեղավորներ նշանակել։ Իր հայտնի «լայվերից» մեկի ժամանակ Փաշինյանը Շուշիի պարտության մեջ մեղադրեց Արթուր Վանեցյանին և նրա ղեկավարած ջոկատին՝ նշելով, թե նրանք փախել են ռազմաճակատից՝ տեղում թողնելով նաև ռազմամթերք։ Այս թեզը իշխանամերձ ֆեյք ֆաբրիկաների համար դարձավ «բերանի ծամոն» և հորջորջանքի առիթ ու սկսվեց տեղեկատվական ու մեդիա գրոհ Վանեցյանի ու «Հայրենիք» կուսակցության նկատմամբ։
Ներքաղաքական զարգացումների հախուռն ընթացքը ցույց տվեց, որ երկուսուկես տարվա ընթացքում ՀՀ-ն ունեցավ 5 ԱԱԾ տնօրեն, որոնցից երկուսը բացահայտ քննադատում են Փաշինյանին՝ նրան մեղադրելով լուրջ թերացումների մեջ։ Վանեցյանին ուղղված նման դիրքորոշումները նույնպես Փաշինյանին սուր քննադատելու հետևանքներ են։
Նախօրեին հեռուստաընկերություններից մեկին տված հարցազրույցում ԱԱԾ տնօրենի նախկին ժամանակավոր պաշտոնակատար Միքայել Համբարձումյանն՝ ի թիվս այլ հարցերի, անդրադարձավ նաև Վանեցյանի և նրա ջոկատի գործունեությանը։ «Պարոն Վանեցյանը, ի տարբերություն շատերի, երբ հավաքեց իր ջոկատը և մեկնում էր Արցախ, մեկնել է ուղիղ Շուշի, իրենք խնդիրը ձևակերպել էին՝ որտեղ ուղարկեք, այնտեղ էլ կգնանք»,- ասել է նա: Համբարձումյանը նաև նշել է, որ փախուստի մասին ոչ մի պատմությունն իրականության հետ ոչ մի աղերս չունի, քանի որ Վանեցյանն ու իր թիմը այնտեղից վերադարձել են, երբ համապատասխան կարգադրություն են ունեցել և այլև անելիք չի եղել։ Ասել է, թե գնդապետ Համբարձումյանը միանգամից փակեց իշխանական «մուտիլովշիկների» բերանը, ովքեր իրենց համար քննադատության փայլուն հարթակ էին ստացել։ Սա խոսում է նրա մասին, որ իշխանություններն զբաղված են ուղղակի նայիվ ապատեղեկատվության և մանիպուլյացիայի տարածմամբ, և ստեղծվել է մի իրավիճակ, երբ սեփական կադրերն են սուր քննադատության ենթարկում իրենց։
Ըստ էության՝ սա Փաշինյանի իշխանությանն ուղղված հերթական դաստիարակչական ապտակն էր, որով կառավարող հատվածին սթափվելու և սեփական քայլերը վերանայելու հնարավորություն է տրվում, բայց հասկանալի է, որ արդեն ուշ է։
Արամ Երիցյան
1
2
3
4
5
1
2
3
4
1
2
3
5
