ԱԱԾ-ն վերջին շրջանում չի դադարում զարմացնել իր արդյունավետությամբ

Այսօր էլ հայտնի դարձավ, որ ԱԱԾ-ն ձերբակալել է պահեստազորի 38-ամյա մայորի, որ տարիներ շարունակ տարբեր զորմասերում զբաղեցնելով հետախուզության պետի պաշտոններ, համագործակցել է ադրբեջանական հատուկ ծառայությունների հետ՝ գաղտնի տեղեկություններ է փոխանցցել հակառակորդին գումարի դիմաց։ Սա արվել է սոցցանցերի միջոցով ու դա առավել ակնառու է դարձնում մեր հակահետախուզության պրոֆեսիոնալիզմը, որը կարողացել է ֆիքսել այդ կոնտակտները վիրտուալ տիրույթում ու բացահայտել արտահոսքի աղբյուրը։ Միակ տխրեցնող հանգամանքն այս ամենում, որ պետական դավաճանություն կատարած այս սրիկային 10-15 տարվա ազատազրկում է սպառնում, որովհետև մեր օրենսդրությունը չափազանց մեղմ է նման տականքների նկատմամբ։

Մի խոսքով, ապրեն մեր չեկիստները։ Որպես քաղաքացի՝ վստահությունս բարձրացավ ԱԱծ-ի նկատմամբ այս երկու գործողություններից հետո։ Մարդիկ լռությամբ իրենց գործն են կատարում իրոք՝ ապահովում են ազգային անվտանգությունը։