Fashion-թեստ. Ինչո՞վ են տարբերվում իսկապես նորաձև աղջիկները

Գնալով աճում է այն մարդկանց թիվը, ովքեր պատրաստ են հանուն նորաձևության զոհելու իրենց իսկ հարմարավետությունը: Փաստորեն, նորաձևությունը ևս զոհեր է պահանջում:

Կան մի քանի տարբերակիչ գծեր, որոնց առկայության դեպքում վստահ կարելի է նշել. տվյալ աղջիկը տարված է նորաձևությամբ:
ArmFashion.am-ը ներկայացնում է մի քանի գծեր, որոնցով տարբերվում են իսկապես նորաձև աղջիկները:

1. Բաճկոնը՝ ուսերին:
Միայն նորաձևության իսկական հետևորդներն են բաճկոնը ուսերին կրում: Վստահաբար կարող ենք նշել, որ բաճկոնը ուսերին կրելը ոչ հարմարավետ է, ոչ էլ պրակտիկ:
Ցանկացած ոչ ճիշտ շարժման դեպքում բաճկոնը պարզապես կարող է ընկնել հատակին:
Պետք է նշել սակայն, որ այս թրենդը հրաշալի է նայվում street-fashion ոճի լուսանկարներում:

2. Գիշերազգեստային ոճ:
Սա մեկ այլ հատկանիշ է, որով տարբերվում են նորաձևության իսկական հետևորդները:
Ո՞վ է ասել, որ գիշերազգետերը միայն քնելու համար են: Այս թրենդը մեծ տարածում ունի համաշխարհային նորաձևության մեջ, իսկ իսկապես նորաձև աղջիկները նման հագուստները կրում են ճիշտ ընտրված աքսեսուարների հետ:

3. Պրինտով կոմբինիզոններ:
Այս կոմբինիզոններն իսկական դրախտ են նորաձևության ծույլ սիրահարների համար: Կարիք չկա ներդաշնակեցնելու վերևի ու ներքևի հատվածները, ընտրել գույներն ու համապատասխանեցնել կոշիկի հետ:
Պարզապես պետք է հագնել կոմբինիզոն, կրել բարձրակրունկ կոշիկներ ու վառ աքսեսուարներ, և շքեղ ու հիշվող կերպարը պատրաստ է:

4. Արտասովոր բարձրակրուկներ:
Արտասովոր բարձրակրուկով կարող է լինել ցանկացած տեսակի կոշիկ:
Կրելով նման կրունկով կոշիկներ վստահ եղեք, որ ուշադրության պակաս չեք ունենա, ինչպես նաև, նորաձևությունից իսկապես գլուխ հանող մարդիկ միանգամից կհասկանան Ձեր ընտրությունը:

5. Սպորտային կոշիկները՝ բաճկոնի հետ:
Գոնե մեկ գեղեցիկ բաճկոն ունենալ պարտավոր են բոլորը, իսկ ահա նորաձևության սիրահար աղջիկները հաճախ են բաճկոնները համադրում սպորտային կոշիկների հետ:
Դասականի և սպորտայինի ներդաշնակեցումը տարածված թրենդ է նորաձևության աշխարհում, և եթե Դուք նույնպես ցանկանում եք սուպեր նորաձև տեսք ունենալ՝ փորձեք նման համադրություններ անել:

6. Մեծ ակնոցներ:
Մեծ, թափանցիկ ապակիներով ակնոցը ցանկացած կերպարին ինտելեկտուալություն է հաղորդում: Բոլորովին պարտադիր չէ տեսողական խնդիրներ ունենալ՝ նման ակնոց կրելու համար: