Բժիշկը հայտնել է կարմիր խավիարի մահացու վտանգի մասին

Newsarm.live-ը գրում է.

Ռուս բժիշկ-սննդաբան Ալեքսանդրա Նոևը հայտնել է կարմիր խավիարի մահացու վտանգի մասին և նշել սննդակարգում այդ մթերքի թույլատրելի քանակը: Այս մասին հաղորդել է NEWS.ru կայքը:

Կարմիր խավիարում չափազանց շատ աղ է պարունակվում՝ 100 գրամ մթերքի համար մոտ 10 գրամ աղ: Միևնույն ժամանակ, ԱՀԿ-ն խորհուրդ է տալիս օրական 4,5 գրամից ավել աղ չօգտագործել: Բժշկի համաձայն՝ կարմիր խավիարում պարունակվող աղի մեծ քանակությունն ազդում է սրտանոթային համակարգի, ստամոքսաղիքային տրակտի, հոդերի վրա, ինչպես նաև կարող է հանգեցնել հիպերտոնիայի և իմունիտետի նվազման:

Այս դելիկատեսը կարող է նաև լուրջ ալերգիկ ռեակցիա առաջացնել, այդ թվում՝ Կվինկեի այտուց և անաֆիլակտիկ շոկ:

Օրգանիզմի համար վտանգավոր է անորակ կամ ժամկետանց խավիարը: Այն բացասական ազդեցություն է թողնում երիկամների, լյարդի, նյարդային համակարգի վրա և կարող է բոտուլիզմ առաջացնել, որը հաճախ մահվան է հանգեցնում:

- Խորհուրդ եմ տալիս քիչ աղ դրած խավիար գնել, քանի որ որքան շատ աղ են ավելացնում մթերքին, այնքան մեծ է հավանականությունը, որ այն արդեն այնքան էլ թարմ չէ,- շեշտել է Նոևը:

Ավելին՝ այստեղ