«Իր մտքի փայլատակումներն ինձ չեն հետաքրքրում». Էդուարդ Շարմազանովը՝ Նիկոլ Փաշինյանին
Ուշադրության կենտրոնում
«Ես իր հետ միայն մեկ խոսելու բան ունեմ՝ ինքը պիտի հրաժարական տա, իր մնացած բոլոր մտքերն ինձ հետաքրքիր չեն»,-Aravot.am-ի հարցին այսպես արձագանքեց ԱԺ նախկին փոխնախագահ, ՀՀԿ խոսնակ Էդուարդ Շարմազանովը: Երեկ «Զրույց քաղաքացու հետ» խորագրով հերթական ուղիղ եթերի ժամանակ, Նիկոլ Փաշինյանը հայտարարեց, որ դեկտեմբերի 19-ից Հայաստանի հանրապետությունում եռօրյա սուգ կհայտարարվի: Նախատեսվում է նաեւ երթ՝ Հանրապետության հրապարակից Եռաբլուր: Էդուարդ Շարմազանովից հետաքրքրվել էինք՝ ինչպե՞ս են վերաբերվում իշխանության այս նախաձեռնությանը, հնարավո՞ր է ընդդիմությունը մասնակցի այդ երթին, կամ հնարավո՞ր է իշխանությունն այդ երթը օգտագործի՝ իբրեւ հանրային աջակցության սեփական հենարան: Նիկոլ Փաշինյանը խոսեց նաեւ «դրսից կառավարվող» գործընթացների մասին. «Ապատեղեկատվության հսկայական հոսքեր են դրվել շարժման մեջ, այդ հոսքերի բավական մեծ մասը կառավարվում է արտերկրից, ու չենք կարող բացառել դրանց առնչությունը օտարերկրյա հատուկ ծառայությունների»:
«2,5 տարի շարունակ նա երկիրը հասցրել է այս իրավիճակին, քանդել է պետական համակարգը, պարտություն է բերել, ծնկի է եկել Ալիեւի առաջ, իր մտքի մնացած փայլատակումներն ինձ չեն հետաքրքրում»,- ասաց Էդուարդ Շարմազանովը:
1
2
3
4
5
1
3
1
2
