Ռեջեփ Թայիփ Էրդողանը տեղյակ չի եղել. Չավուշօղլուն սրբագրել է Թուրքիայի նախագահին

Թուրքիայի նախագահը հարգում է Իրանի տարածքային ամբողջականությունն ու ազգային ինքնիշխանությունը: 

Իրանական «ՄԵՀՐ» տեղեկատվական գործակալության փոխանցմամբ՝ Թուրքիայի Հանրապետության արտաքին գործերի նախարար Մեվլութ Չավուշօղլուն ասել է Իրանի Իսլամական Հանրապետության ԱԳՆ նախարար Մոհամմադ Ջավադ Զարիֆին երեկ կայացած հեռախոսազրույցի ընթացքում՝ անդրադառնալով երկու երկրների միջև սերտ ու բարեկամական հարաբերություններին։

«Ռեջեփ Թայիփ Էրդողանը տեղյակ չէր արարողության ընթացքում իր արտասանած բանաստեղծության զգայունության մասին»,- հավելել է ԹՀ ԱԳ նախարարը:

Իրանի արտգործնախարարը նույնպես ընդգծել է Իրանի և Թուրքիայի միջև բարեկամական հարաբերությունների կարևորությունը և հույս հայտնել, որ ապագայում երկու կողմերն էլ ընդլայնեն երկկողմ կապերը:

«Թուրքիայի նախագահ Ռեջեփ Թայիփ Էրդողանը հինգշաբթի մեկնեց Բաքու՝ օկուպացված տարածքների ազատագրման կապակցությամբ ադրբեջանական ուժերի զորահանդեսին մասնակցելու համար: Արարողությանը, որին մասնակցում էր նաեւ Ադրբեջանի նախագահ Իլհամ Ալիեւը, Էրդողանը արտասանեց իրանա-ադրբեջանական սահմանին գտնվող Արազ գետի մասին անջատողական բանաստեղծություն»,- գրել է «ՄԵՀՐԸ»։

Էրդողանի ելույթին արձագանքել է նաև Իրանի  6-րդ նախագահ Մահմուդ Ահմադինեժադը։ Հաղորդում է իրանական «Ազարիհա» տելեգրամյան ալիքը։ 

«Քաղաքական սահմանները փոխելու ծրագիրը ռեակցիոն շարժում է, որը իրանական ժողովուրդը չի ողջունում»,- ասել է Իրանի նախկին նախագահը: Ըստ Ահմադինեժադի՝ եթե դա պայմանավորված է դեպի անցյալ սահմանների փոփոխությամբ, միակ ազգը, որը չի տուժում, Իրանի ազգն է։

Նշենք, որ Ահմադինեժադը 1993-97 թվականներին եղել է Իրանի Արդաբիլի նահանգապետը։ Արդաբիլն Իրանի հյուսիս-արևելքում է, սահմանակցում է հյուսիսից՝ Ադրբեջանի Հանրապետության հետ, արևմուտքում՝ Արևելյան Ատրպատական նահանգի հետ, հարավում՝ Զանջան նահանգի հետ։

Ավելին՝ այստեղ