Արավուսի 46 հա հողերը ադրբեջանցիները խլում են
Ուշադրության կենտրոնումԱհազանգս Սյունիքի մարզի Արավուս համայնքից է։ Մարզի մի խումբ բնակիչներ են դիմել ինձ՝ հայտնելով, որ Գորիս-Ստեփանակերտ մայրուղու ձախ կողմում գտնվող իրենց համայնքի պահուստային ֆոնդի հողերը ադրբեջանցիներն իրենցից խլում են»,- ԱԺ հայտարարությունների ժամին ասաց պատգամավորն Թագուհի Թովմասյանը։
Նա նշեց, որ գյուղի 8 տասնյակ կամավորներ, ովքեր պաշտպանում էին մեր սահմանները, ստիպված են եղել նահանջել տարիներ շարունակ մշակվող իրենց հողատարածքներից։
«Ահազանգի պատասխանին էլ ծանոթացա՝ Սյունիքի փոխմարզպետը հայտարարել է, որ գյուղի հատվածներում հայկական կողմից տարածքներ չեն զիջվել։ Իհարկե, հաճելի է լսել, որ պետական սահմանից մեկ մետր անգամ չենք զիջել, բայց իրականությունն ու պաշտոնյաների հերքումները, մեղմ ասած, հեռու են իրարից։ Ինչպես շատ դեպքերում, այս դեպքում ևս պաշտոնյաները հերքում են այնպիսի իրադարձություններ, որոնց մասնակիցները հարյուրավոր քաղաքացիներ են։ Եվ այդ հերքումները բացի զայրույթից ուրիշ որևէ զգացողություն չեն առաջացնում»,- ասաց նա։
Ըստ Թագուհի Թովմասյանի՝ իրականում Արավուսից 37 հա հողատարածք՝ համայնքային պահուստային ֆոնդից տրվել է ադրբեջանցիներին։ Ինն հեկտար հողատարածք սեփականաշնորհված է, ՀՀ քաղաքացիներն ունեն այդ սեփականության վկայականները, սակայն զրկվել են իրենց հողատարածքները օգտագործելու իրավունքից։ Խոսքը վարելահողերի մասին է, ինչը մարդկանց ապրուստի միջոցն է։
«Մարդիկ միայնակ են մնացել իրենց հոգսերի հետ, և ինձ հետ զրույցում իրենք պահանջում էին պետության ներկայացուցչի։ Նրանք ասացին՝ մենք ունենք վկայականներ, պահանջում ենք, որ Կադաստրի կոմիտեից ներկայանան և քարտեզով ամրագրված իրենց սեփականության իրավունքը վերականգնեն։ Ես հետաքրքրվեցի պետական կառույցներում խնդրի պատասխանատու գտնելու հարցով, սակայն պարզվեց, որ Կադաստրի կոմիտեն այս փուլում գոնե անելիք չունի։ Սահմանները եղել են մեր ներքին սահմանները, և երբեք չի ուսումնասիրվել խնդիրը»,- նշեց նա։
Ըստ Թագուհի Թովմասյանի՝ սահմանների հարցով կոչված են զբաղվելու երկու գերատեսչություններ՝ Արտաքին գործերի նախարարությունը և Պաշտպանության նախարարությունը։ «Մեկը դիվանագիտությամբ, մյուսը՝ ռազմական տեղակայմամբ։ Բայց այս փուլում երկու գերատեսչություններն էլ ըստ էության իրենց գործառույթներն ամբողջությամբ չեն իրականացնում, քանի որ դիվանագիտական հարաբերությունների վերահաստատման փուլում ենք գտնվում։ Իսկ սահմանների ճշգրտման հարցերը միջգերատեսչական մակարդակով դեռ պետք է իրականացվեն, քանի որ քարտեզներ պետք է հանվեն, համադրվեն։ Իսկ սա երկար գործընթաց է ենթադրում։ Այս պահին պետք է արձանագրենք հետևյալը՝ ֆիքսված սահման Հայաստանի և Ադրբեջանի միջև չունենք։ Ինձ այսպես վստահեցրեցին Արտաքին գործերի նախարարությունից։ Եվ դեռ երկար ժամանակ իրավիճակն այսպես է լինելու։ Իսկ թե ինչքան պետք է մեր սահմանամերձ համայնքների բնակիչներն անձամբ բանակցություններ վարեն ադրբեջանցիների հետ, ինչքան պետք է կամավոր ջոկատներ կազմեն ու պահեն իրենց բնակավայրի սահմանները, դժվար է ասել։ Փաստ է, որ մենք հայրենիքի սահմանները GPS-ով հանձնում ենք թշնամուն ու եռակողմ պայմանագրից երկրորդ, երրորդ կողմերը, ցավոք սրտի, ներկա չեն այդ գործընթացին»,- հայտարարեց նա։
Ավելին՝ այստեղ
1
2
3
4
5
1
2
3
4
5
3
