Սերգեյ Լավրովը խոսեց Արցախյան պատերազմի հետևանքով գերիների վերադարձի մասին
Ուշադրության կենտրոնումՌուս խաղաղապահներն ակտիվորեն համագործակցում են իրենց պատասխանատվության գոտում գտնվող բնակչության հետ, օգնում են փախստականների վերադարձին, տարածքի ականազերծմանը, ցուցաբերում են բժշկական օգնություն Արցախի բնակիչներին: Այս մասին ՀՀ ԱԳ նախարար Արա Այվազյանի հետ հանդիպմանը հայտարարեց ՌԴ ԱԳ նախարար Սերգեյ Լավրովը՝ հավաստիացնելով, որ Ռուսաստանն անելու է ամեն ինչ, որպեսզի աջակցի Հարավային Կովկասի տարածաշրջանի բարգավաճմանն՝ ի շահ այնտեղ ապրող ժողովուրդների:
«Ստեղծվում է հումանիտար արձագանքման կենտրոն: Դա տեղի է ունենում հայկական ու ադրբեջանական կողմերի հետ համագործակցությամբ: Մենք ամեն կերպ աջակցում ենք միջազգային կազմակերպությունների գործունեությունը, որոնք պատրաստ են իրենց ռեսուրսները, փորձն ու ներուժը ներդնել խաղաղ կյանքը վերականգնելու համար:
Մասնավորապես ռուսական կառավարությունը որոշում է կայացրել լրացուցիչ միջոցներ փոխանցել ԿԽՄԿ-ին, որն արդեն երկար տարիներ աշխատում է տարածաշրջանում:
Կարևորագույն հարցերից է գերիների փոխանակումը: Մենք մեր խաղաղապահների միջոցով ամեն կերպ կաջակցենք այդ գործընթացի արագ ավարտմանը:
Գիտենք, որ դա բավականին սուր հարց է գերիների հարազատների ու մտերիմների համար: Անկասկած կարևորագույն հարց է նաև զոհերի մարմինների փոխանակումը: Դա շատ էմոցիոնալ հարց է, որը պետք է հնարավորինս արագ լուծել»,-ասել է Լավրովը:
1
2
3
4
5
1
2
4
5
3
5
