Վերջին դրամահավաքը ցույց տվեց, որ հիմնադրամի հանդեպ վստահությունը բավական մեծ է. Հայկակ Արշամյան
Ուշադրության կենտրոնում
«Հայաստան» համահայկական հիմնադրամի գործադիր տնօրեն Հայկակ Արշամյանը Pressmedia.am-ի հետ զրույցում անդրադառնալով օրերս իրականացված դրամահավաքի մասին` նշեց, որ ԱՄՆ-ի և Ֆրանսիայի կողմից 26 մլն դոլարից ավելի գումար է հավաքագրվել, որը, սակայն, վերջնական արդյունքը չէ, քանի որ մյուս երկրներում դեռևս դրամահավաքը շարունակվում է:
«Թեև նոյեմբերի 9-ից հետո հանրության մոտ հիասթափություն եղավ, բայց ամենամյա դրամահավաքի շրջանակներում հաջողվեց բավականին գումար հավաքել, որը, կարելի է ասել, աննախադեպ էր: Սա խոսում է այն մասին, որ հիմնադրամի հանդեպ բավական մեծ է վստահությունը և այն դժգոհությունները, որոնք կային վերջին շրջանում՝ չեզոքացվել են»,- ասաց Հ. Արշամյանը:
Խոսելով պատերազմի ընթացքում հանգանակված գումարները պետական բյուջե փոխանցելու պատճառով բարձրացված աղմուկի մասին, նա նշեց, որ կազմակերպության կողմից ներկայացված պարզաբանումները հստակություն մտցրեցին և հասարակության շրջանում ավելի վաղ սկսված դժգոհությունները մնացին անցյալում:
«Մենք մանրամասն ներկայացրել ենք, թե ինչ իրավիճակում էր այդ օրերին գտնվում երկիրը և ինչ նպատակով ենք այդ գումարները փոխանցել պետական բյուջե, որն, ի դեպ, իրականացվել է օրենքի տառին հավատարիմ: Ինչ վերաբերում է ծախսված գումարների մասին հաշվետվություններին, ապա դրանց մասով ևս տրվել են միջանկյալ հաշվետվություններ, իսկ կառավարություն փոխանցված գումարների մասով սկսվել է աուդիտ, որի ավարտից հետո արդյունքները ևս կհրապարակվեն»,- ասաց Հ. Արշամյանը:
Անի Ավագյան
1
2
3
4
5
1
2
4
5
3
5
