Գյումրիում տարեց ամուսինների վրա հարձակվել են դանակով և կացնով
Հասարակություն
Գյումրիում 2015 թվականի դեկտեմբերի 3-ին` ժամը 10:30-11:00-ն ընկած ժամանակահատվածում, ավազակային հարձակում է տեղի ունեցել Բեզիկյան ամուսինների նկատմամբ: Ինչպես տեղեկացրին ՀՀ քննչական կոմիտեի տեղեկատվության և հասարակայնության հետ կապերի բաժնից, նախնական տվյալներով, դիմակավորված անձինք զինված են եղել դանակով ու կացնով, մուտք են գործել Բեզիկյան ամուսինների բնակարան, դանակով հարվածել ամուսնուն, ապա կպչուն ժապավենով, թելով և գլխաշորով կապել վերջինիս ու նրա կնոջ ձեռքերը:
Ամուսինների կյանքի համար վտանգավոր բռնություն գործադրելու սպառնալիքով առերևույթ հանցագործություն կատարած անձինք հափշտակել են ոսկյա զարդեր, կանխիկ գումար և դեպքի վայրից դիմել փախուստի: Ամուսիններին պատճառվել է մոտ 3 միլիոն 500 հազար դրամի վնաս:
Դեպքի առթիվ Շիրակի մարզային քննչական վարչությունում հարուցվել է քրեական գործ`ՀՀ քրեական օրենսգրքի 175-րդ հոդվածի 3-րդ մասի 1-ին կետով (ավազակություն` առանձնապես խոշոր չափերի գումար հափշտակելու նպատակով):
Մշակվել է քննչական պլան, ձեռնարկվում են անհրաժեշտ քննչական գործողություններ` առերևույթ հանցագործություն կատարած անձանց ինքնությունը պարզելու ուղղությամբ:
1
2
3
4
5
1
2
3
4
5
1
2
3
4
5
