Այլևս «փառքի ժամ»- ն ապահովում են բերման ենթարկած հանդիսատեսով

Ամիս ու կես տևող պատերազմից հետո, դեռևս երկար ժամանակ է պետք ուշքի գալու համար։ Մեր բանակը, կամավորական տղաները արել են անհնարին ու հնարավորը մեր մի թիզ հողը պահելու համար։ Բայց ավաղ, այսօր անկախ ամենից, շատերի անձնուրացությունից, ունենք այն, ինչ ունենք։

Ի դեմս անադեկվատ ու եսամոլ իշխանության լիդերի։ Ով էլ ի դեպ, այսօր Հանրապետության հրապարակում հատուկ սեփական էգոյի շոյման համար բեմադրություն էր կազմակերպել, ապացուցելով, որ ամենևին էլ չի հարգում մեր տղերքին էլ, իրենց զոհողություներն էլ։ Տեսանյութում հստակ երևում է ավտոբուսների քանակները, որոնցով ըստ երևույթին, մեր "հերոսներին" էին բերման ենթարկել` "ի աջակցություն Նիկոլ Փաշինյանի"։

Ինչ խոսք, այս իշխանությունը մի կետում ամեն դեպքում հաջողել է, այն է` բեմականացման ցուցադրությունը։Իսկ այսօր 2,5 տարվա վաստակով հազեվահազ հավաքել էին 300 հոգու։ Բայց այ հետաքրքիր է, այդ ինչպե՞ս է ստացվում, որ ի աջակցություն Փաշինյանի հնարավոր է առանց որևէ խոչընդոտի հասնել Հանրապետության հրապարակ, իսկ Ազատության հրապարակ արդարացի պահանջ ներկայացնելու համար հասնելու ճանապարհը բազմաթիվ արգելքներով է, ընդհուպ մինչև մարզից դուրս գալ չկարողանալը։

Հիրավի, դեռևս անհասկանալի է, պարոնա՛յք դուք մեզ ե՞ք խաբում, թե ձեզ։ Ամեն դեպքում երազների աշխարհից իրականություն տեղափոխվելու ժամանակն է, մենք այլևս ձեզ նման մակաբույծներին, մեր արյան հաշվին չենք հանդուրժելու։