Մենք այնքան գիտելիք չունենք աշխարհի մասին, որ իրականում տանուլ ենք տալիս. Հայկ Սահակյան
Ուշադրության կենտրոնում
«Քաղաքացու որոշում» կուսակցության Հայկ Սահակյանը Pressmedia.am-ի հետ զրույցում նշեց, որ այսօր ստեղծված ներքաղաքական իրավիճակը բավական լարված է: Այն թուլացնելու համար հարկավոր է քայլեր ձեռնարկել, կանխելու համար քաղաքացիական պատերազմի վտանգը: «Բնական է, որ դա որևէ լավ տեղ չի կարող տանել, փոխարենը, թե՛ երկրի և թե՛ հանրության համար կարող է կործանարար հետևանքներ առաջացնել: Պետք է մաքսիմալիստական նկրտումները մի կողմ դնել, հասկանալու համար, թե իրականում ինչ կատարվեց անցած 44 օրերի ընթացքում: Մինչ այս պահը որևէ հոդաբաշխ բացատրություն չի տրվել թե ինչ տեղի ունեցավ, ինչպես տեղի ունեցավ և հետո ինչ է լինելու: Այս պահին միայն բոլորը բոլորին մեղադրում են դավաճանությունների մեջ, բայց ոչինչ պարզ չէ»,- ասաց Հ. Սահակյանը: Քաղաքական գործչի կարծիքով ԱԳ նախարարի հրաժարականին կհաջորդեն նաև այլ հրաժարականներ, բայց դա, ըստ Սահակյանի, պատասխանատվությունից խուսափելու նշան է: Այն ինչ այսօր ունենք ժամանակավոր և բավականին պայթյունավտանգ իրավիճակ է, որը որևէ լուծման չի բերելու: «Հաջորդ պատերազմը հեռու չէ, և մենք պետք է այսօրվանից պատրաստվենք այդ պատերազմին: Կա նաև այլ տեսակետ, որ աշխարհը վերափոխվում և վերաձևվում է, նոր ուժային բալանսներ են ձևավորվում: Բայց ցավն այն է, որ մենք այնքան կարճատես ենք, և այնքան գիտելիք չունենք աշխարհի մասին, որ իրականում տանուլ ենք տալիս»,- ասաց Հ. Սահակյանը:
Սերինե Բադալյան
1
2
3
4
5
1
2
3
4
5
3
