Այդպիսի հարձակմանը հնարավոր կլիներ դիմակայել, եթե Իսրայելի նման պետություն լինեինք. Սամվել Խուդոյան
Ուշադրության կենտրոնում
Հոգեբան Սամվել Խուդոյանը pressmedia.am-ի հետ զրույցում տեսակետ հայտնեց, որ ոչ մի երկիր չէր կարողանա 45 օր դիմանալ ադրբեջանաթուքական ահաբեկչական պատերազմին: Բացի այդ, ամեն ինչից պարզ դարձավ, որ Հայաստանը նախապես չէր պլանավորվել կռվել ահաբեկիչների ու ՆԱՏՕ-ի երկրորդ ամենաուժեղ բանակն ունեցող Թուրքիայի հետ: «Նման ուժի դեմ որևէ երկրի ղեկավար, այդ թվում՝ Հայաստանի նախկին նախագահ Լևոն Տեր-Պետրոսյանից սկսած, չէին կարող դիմակայել նման ահռելի ուժի: Այդպիսի հարձակմանը հնարավոր կլիներ դիմակայել, եթե Իսրայելի նման պետություն լինեինք: Ադրբեջանը մշտապես ասում էր, որ պատերազմ է անելու: Դրա վկայությունն են նաև 2016-ի, ինչպես նաև հուլիսյան դեպքերը: Բայց, քանի որ 94-ից հետո զինվելու փոխարեն թալանը դարձավ հիմնական զբաղմունքը, այսօր հասանք այս իրավիճակին: Հիմա մենք պետք է կարողանանք զարգացնել մեր քաղաքական և դիվանագիտական միտքը և հասցնել այնպիսի մակարդակի, որ կարողանանք Թուրքիայի և այլ երկրների հետ բանակցելիս իրավիճակը մեր օգտին ծառայեցնել: Եթե հզոր լինենք, շատ հարցեր կկարողանանք լուծել, հակառակ դեպքում, ինչպես նախկինում պետք է սկսենք տարիներով հարցը ձգձգել: Այն, որ Նիկոլ Փաշինյանը կոպտագույն սխալներ է թույլ տվել, երկու կարծիք լինել չի կարող, բայց հիմա ունենք այն՝ ինչ ունենք, իսկ Փաշինյանը, իմ կարծիքով, պետք է օրինական ճանապարհով հեռանա»,- ասաց Ս. Խուդոյանը:
Սերինե Բադալյան
1
2
3
4
5
1
2
3
4
5
3
