Նիկոլ Փաշինյանը շարունակում է լկտիաբար ստել, թե իբր կյանքեր է փրկել իր այս խայտառակ որոշմամբ

Հոկտեմբերի կեսերին ՌԴ-ն առաջարկեց Նիկոլ Փաշինյանին գնալ Մոսկվա և մասնակցել բանակցություններին: Նիկոլ Փաշինյանն ուղերձով դիմեց ժողովրդին և հայտարարեց, որ խաղաղության դիմաց հող տալն անընդունելի է, խայտառակ կապիտուլյացիան անընդունելի է: Հոկտեմբերի 14-ին, երբ Նիկոլ Փաշինյանի համար այդ կապիտուլյացիան, որը այսօրվա իրավիճակի համեմատ ուղղակի հրաշալի լուծում էր, քանի որ 5 շրջանի մասին էր խոսքն, այլ ոչ թե Արցախի 80%-ի, անընդունելի էր:

Նշեմ, որ այդ ժամանակ էլ էր պարզ իրավիճակը ռազմաճակատում, բոլոր հասկացող մարդիկ գիտեին, որ մեզ լկտիաբար ստում էին՝ զգետնում ենք, գյոռբագյոռ, հաղթելու ենք, և այլ լապշաներ մարդկանց ականջներին կախելով տանում էին մեզ կործանման, ոչնչացման:

Այսօր, երբ Նիկոլ Փաշինյանը շարունակում է լկտիաբար ստել, թե իբր կյանքեր է փրկել իր այս խայտառակ որոշմամբ, թող հիշի, որ այդ կյանքերը կարող էին փրկվել շատ ավելի շուտ՝ պատերազմի սկսվելուց անմիջապես հետո, հոկտեմբերի 14-ին, դրանից հետո, և հիմա մենք կունենայինք ոչ թե 4000 զոհ, ինչպես հայտնեց Արայիկ Հարությունյանն, այլ անհամեմատ ավելի քիչ, մենք կունենայինք ոչ թե այս խայտառակ ոչնչացումն, այլ 5 շրջանի հանձնում: Եվ սա վատագույն դեպքում, եթե իր նման ապիկար քաղաքական գործիչը լիներ ոչ թե դավաճան, այլ գոնե հայրենասեր:

Փաստն այն է, որ մինչ այս պահը Նիկոլ Փաշինյանը շարունակում է մանիպուլացնել մարդկանց՝ հանուն իշխանության և հանուն պատվերի ամբողջական կատարման: Այս պետական դավաճանությունը րոպե առաջ պետք է կանգնեցնենք:

Դավաճաններին տալու հայրենիք չունենք:

Անի Հովհաննիսյան