«Չէր կարելի անվերջ ասել, որ հաղթելու ենք, իմանալով, որ իրավիճակը լավ չէ». Էդմոն Մարուքյան
Քաղաքականություն
ԱԺ «Լուսավոր Հայաստան» խմբակցության ղեկավար Էդմոն Մարուքյանը pressmedia.am-ի հետ զրուցում անդրադառնալով ստեղծված իրավիճակին, նշեց, որ արդեն իսկ տեսաուղերձով դիմել է մեր հայրենակիցներին և ներկայացրել իր կուսակցության տեսակետը, սակայն, ամենակարևոր կետերը, որոնք կարևոր են՝ հետևյալն է. «Ստորագրված փաստաթուղթը խայտառակ բովանդակություն ունի, որը բոլորին կանգնեցրել է արհարմար դրության մեջ: Մենք և մեր կուսակցությունը բազմաթիվ առաջարկներ ենք արել, հասկանալու համար, թե ինչ էր իրականում տեղի ունենում ռազմի դաշտում: Եվ հիմա, փաստորեն, իշխանությունները խաբել են բոլորիս, քանի որ չէր կարելի անվերջ ասել, որ հաղթելու ենք, իմանալով, որ իրավիճակը լավ չէ: Բայց, այդ ամենով հանդերձ հարկավոր է առաջնորդվել պետական շահով, որպեսզի պատերազմի դաշտում տեղի ունեցող գործողություններին չվնասենք»,- ասաց Է. Մարուքյանը: Նա դատապարտեց նաև երեկ ԱԺ նախագահի հետ տեղի ունեցած դեպքը, նշելով, որ պետական պաշտոնյաների հետ նման կերպ վարվելը որևէ արդարացում ունենալ չի կարող: Մյուս կողմից՝ Է. Մարությանի կարծիքով՝ նոր Հայաստանն արդեն իսկ կանգնել է նոր իրականության առջև, որտեղ ներկա իշխանություններն այլևս չեն կարող շարունակել երկիրը կառավարել: «Մենք էմոցիաներով առաջնորդվելու իրավունք չունենք: Պետք է պահպանենք մեր պետականությունը և որևէ այլ շահ չպետք է փնտրենք այդ ամենը սրբորեն պահպանելու համար»,- ասաց Է. Մարուքյանը:
Սերինե Բադալյան
1
2
3
4
5
1
2
3
4
5
