Սահմանադրական փոփոխությունների նախագիծն ու հանրաքվեն իմ խորին համոզմամբ ունի ավելի խորը գնացող արմատներ, քան Սերժ Սարգսյանի վերարտադրությունը

Գագիկ Մամուլյանը ֆեյսբուքյան իր էջում գրում է .

 

Սահմանադրական փոփոխությունների նախագիծն ու հանրաքվեն իմ խորին համոզմամբ ունի ավելի խորը գնացող արմատներ, քան Սերժ Սարգսյանի վերարտադրությունը:

Վերարտադրությունը եթե լիներ առաջնային, ավելի հեշտ ու անցնցում ճանապարհներ կային դրա համար: Ռուսաստանի մոդելը օրինակ` Պուտին-Մեդվեդև ռակիրովկաները: Չեմ կարծում, որ Հայաստանում դա անհնար կլիներ, քանի որ Սերժ Սարգսյանի շրջապատում էլ հաստատ կգտնվեն մարդիկ, ովքեր մի «եթերաշրջանի» համար պատրաստ կլինեն նախագահ խաղան ու կրկին տեղը զիջեն նրան:

 

Հիմա տեղի էն ունենում մի գործընթաց, որը հավատացեք, ավելի վտանգավոր է Սերժ Սարգսյանի համար, քան այն ինչ, ինչ վերը նշել եմ, ու հաստատ, եթե նա գնում է այս ռիսկին, ուրեմն այլ հարցեր ու խնդիրներ նույնպես կան: Ասեմ, թե ինչումն է ռիսկը կայանում: Նոր Սահմանադրությամբ միանձնյա կառավարումը դառնում է անցյալ (համենայն դեպս սևով սպիտակի վրա դա է գրած), բանականաբար սա միայն թղթին, բայց հնարավոր է, ավելի շուտ համոզված եմ, որ սա ներիշխանական մեծ գզվրտոցի պատճառ է դառնալու ու սեփական ամբիցիաները շատերը ջրի երես կհանեն և հենց իշխանության ներսում կձևավորվեն կոալիցիաներ ու իշխանական ճամբարը կպառակտվի, կկոնսոլիդացվի ինչ որ իշխանիկների շուրջ: Սա կթուլացնի Սերժ Սարգսյանի դիրքերը անկախ ամեն ինչից ու ինձ թվում է, նա հաշվի է առել այս ռիսկը: Եթե անզեն աչքով երևացող այս լուրջ ազդեցության թուլացման հեռանկարը տեսնելով գնում է այդ քայլին, ուրեմն թույլ տվեք չհավատալ մինչ այս հնչած ու առաջ տարած պնդմանը, թե միայն վերարտադրության հարց է:

 

Կարելի է շատ տարբերակներ մտածել ու քննարկել, բայց ցավով ուզում եմ նշել, որ Վենետիկյան հանձնաժողովի հոգատարությունն ու Ռուսաստանի լուռ համաձայնությունը ինձ ստիպում են մտածել, որ ինչ որ աշխարհաքաղաքական խաղի մի օղակն է այս գործընթացը, օրինակ` Արցախի ազատագրված տարածքների վերադարձը, որը արդեն կարվի ոչ Սերժ Սարգսյանի միասնձնյա որոշմամբ, այլ իշխող կուսակցության վրա կընկնի ողջ պատասխանատվությունը: Քավ լիցի, սա միայն իմ մտավախությունն է, բայց եթե մի քիչ խորանաք, միգուցե դուք էլ դրան հանգեք: Հուսամ ես սխալվում եմ ու սա միայն ենթադրություն է: