Ինչպես առանց խղճի խայթի խնդրել ու ստանալ ցանկալին

«Պետք չէ ակնկալել, որ ձեր ցանկությունները կկռահվեն և կիրականացվեն, պետք է ասել այն, ինչ դուք փափագում եք: Այն ամենն, ինչ մեր կյանքում կատարվում է, մեծամասամբ կախված է շփումից: Եթե դուք ի վիճակի չեք արտահայտել այն, ինչ ուզում եք ձեր աշխատողներից, ղեկավարությունից, հաճախորդներից, ապա մեղադրեք միայն ինքներդ ձեզ: Ընդունեք, որ դուք ի վիճակի չեք իմանալ ամեն ինչ և ողջ աշխատանքը չեք կարող անել մենակ,» - պնդում է Սթիվ Հարվին` իր «Երազիր ինչպես կինը, հաղթիր ինչպես տղամարդը» նոր գրքում:

Խնդրելն ամոթ չէ

Գիտական հետազոտությունները ցույց են տվել, թե ինչպիսի մեծ զենք է խնդրանքը: Գիտնականներն ապացուցել են, որ մարդիկ, ումից որևէ բան են խնդրում, բավարարում են ցանկաթյունն ավելի հաճախ, քան մենք ենթադրում էինք: Մարդկանց մեծամասնությունը լուրջ է վերաբերվում ուրիշների ցանկություններին: Այնպես որ, մի ամաչեք և խնդրեք, դրանում ոչ մի վատ բան չկա: Երբեմն ձեր խնդրանքից է կախված, թե դուք ինչպես կապրեք` վատ, թե լավ:

Հարաբերությունների կառուցում

Մենք բոլորս էլ լավ գիտենք, որ մեր խնդրանքը կարող է մերժվել: Ինչ անել, որ այդպես չլինի: Ահա վեց սկզբունք, որոնք կօգնեն ստանալ դրական պատասխան ձեր խնդրանքին.

1. Իմացեք ձեր գինը: Եթե, օրինակ, դուք ձեր աշխատանքը գնահատում եք 150,000 $ տարեկան, ապա պետք է անեք այնպես, որ առավելագույնը հասնեք այդ թվին: Ամենասկզբից ասեք ավելի բարձր թիվ, որպեսզի բանակցությունների ընթացքում կարողանաք այն իջեցնել: Երբ գիտես քո գինը, ուզածիդ հասնելու ավելի մեծ հավանականություն ունես:

2. Իմացեք, ինչի եք արժանի: Հաճախ մարդիկ, սովորաբար կանայք, իրենց հետաքրքրություննրը զոհաբերում են ուրիշների համար: Դրանում ոչ մի լավ բան չկա: Իհարկե, պետք է գնալ զիջումների, բայց պետք չէ մառանաք ձեր մասին: Եվ պետք չէ խառնել այն, ինչին դուք արժանի եք, նրա հետ, թե ինչ կցանկանայիք ստանալ, բայց դեռ չեք արժանացել դրան:

3. Եղեք հստակ: Հստակ արտահայտեք ձեր ցանկությունները: Եթե դուք այդպես չեք վարվում, ապա երկարացնում եք նպատակին հասնելու ձեր ճանապարհը:

4. Ենթադրություններ մի արեք: Ոչ ոք չի կարող կարդալ ուրիշի մտքերը: Կապ չունի, թե որքան լավ գիտեք այդ մարդուն, նա կարող է չկռահել ձեր ցանկությունը, նույնիսկ, եթե ձեզ դա ակնհայտ է թվում: Հստակ արտահայտեք ձեր ցանկությունը:

5. Ասեք ձեր արժեքների մասին: Հստակ արտահայտեք ձեր առաջնահերթությունները, որպեսզի հետո չզղջաք, որ ժամանակին դա չարեցիք:Մի զիջեք ձեր սկզբունքները, մի արեք այն, ինչ կարծում եք, որ սխալ է:

6. Ոչ-ը վերջնական մերժում չէ: Օրինակ՝ ձեր ղեկավարը կամ որևէ այլ մարդ կարող է մերժել ձեր խնդրանքը:Մի այրեք կամուրջները, մի խզեք կապերը և մի մերժեք այն, ինչ ձեզ հիմա առաջարկում են: Նայեք իրավիճակին նրանց աչքերով:

Ամենավատը, ինչ կարող է լինել՝ ձեզ ընդամենը կմերժեն, և ամեն ինչ կմնա այնպես, ինչպես կա:

Աղբյուր` LADYNEWS.am