Հայ ռազմագերիների հարցը՝ իրավաբանների ուշադրության կենտոնում
Ուշադրության կենտրոնում
Ադրբեջանում այս պահին 21 հայ ռազմագերի կա: Այս մասին հայտարարել է ՔԿ քրեագիտական վարչության պետ Ռաֆայել Վարդանյանը։ Նա նշել է նաև, որ կան տվյալներ, որոնք դեռևս գտնվում են ճշգրտման փուլում: «Կա երկու անձի վերաբերյալ տվյալ, որը ճշգրտվում է։ ՄԻԵԴ-ում հայաստանյան ներկայացուցչության և անհատ իրավապաշտպանների կողմից դիմումներ են ներկայացվում, որպեսզի մեր գերիների նկատմամաբ կիրառվի հատուկ միջոց և Ադրբեջանին պարտավորեցվի հստակ տվյալներ ներկայացնել: Բացի այդ, ՄԻԵԴ-ի փաստաթղթով հակառակորդին պարտավորեցվում է ապահովել հայ ռազմագերիների մարդասիրական բոլոր նորմերի պահպանումը»,- ասաց Ռ.Վարդանյանը: Խոսելով համացանցում տարածված հայ զինծառայողների նկատմամբ խոշտանգման կադրերի մասին, քրեագիտական վարչության պետը նշեց, որ բոլոր տեսանյութերը պատշաճ զննության և վերլուծության են ենթարկվում. «Հայտնաբերվել է անձ, որի խոշտանգված նկարը տեղադրել էին «Ինստագրամում»: Այդ ամենը ևս ուսումնասիրվում է և հստակ քննության ենթարկվում: Բացի այդ, մեր կողմից ուղարկվել է քննչական պահանջ միջազգային տարբեր իրավապահ մարմիններին, որպեսզի պարզեն տվյալները և մեզ տեղեկություններ հայտնեն: Այնուամենայնիվ, մի քանի ուղղություններով աշխատանք է իրականացվում, որպեսզի կարողանանք մեր ռազմագերիների իրավունքները պաշտպանել»,- ասաց Ռ. Վարդանյանը:
Սերինե Բադալյան
1
2
3
4
5
1
2
3
4
5
3
