Ահաբեկչությունը սպառնում է նաև Եվրոպային
Ուշադրության կենտրոնում
Վերջին շրջանում եվրոպական երկրների տարբեր քաղաքներում եկեղեցիների դեմ հարձակումները, քրիստոնյաների դեմ ուղղված սպառնալիքները կանխամտածված սադրանքի հետևանք են: Միջազգայնագետ Վահրամ Պետրոսյանի կարծիքով՝ Թուրքիան ձգտում է իր էքսպանսիան իրականացնել կրոնական դրոշի ներքո, մինչդեռ Եվրոպայում այս վտանգի գիտակցումը այսօր դեռ չկա:
«Այն ոչ թե որպես ընդհանուր խնդիր է դիտարկվում, այլ յուրաքանչյուր դեպքի առանձին գնահատական է տրվում: Եվ, վտանգավորը հենց դա է: Բացի այդ, Եվրոպայում ընդհանուր քաղաքականություն չկա կրոնական և միգրացիոն վտանգների վերաբերյալ: Յուրաքանչյուր միգրանտի դեպքում միայն նրա ելքի երկիրն է նշվում, այլ հարցեր հաշվի չեն առնվում: Եվ, ինչպես տեսնում ենք կրոնական հողի վրա իրականացվող հարձակումները կարծես դարձել է առանձին Ֆրանսիայի, առանձին Գերմանիայի խնդիրը, բայց այս հարցում միասնական մոտեցում չկա ահաբեկչական գործողությունների վերաբերյալ: Ինչը լրացուցիչ խնդիրներ է առաջացնում»,- ասաց Վ. Պետրոսյանը:
Միջազգայնագետի կարծիքով այս ամենը զսպելու համար հարկավոր է միասնական մոտեցում ցուցաբերել, որպեսզի առանձին անհատներ չդառնան կրողնական հողի վրա հրահրվող սադրանքների զոհ: Հարկավոր է հայտնաբերել թուրքական ուժերի կողմից սնվող և ուղղորդվող բոլոր խմբավորումները և դրանց հանդեպ նույնատիպ մոտեցում ցուցաբերել: Հակառակ դեպքում Եվրոպան ևս կկանգնի այնպիսի խնդիրների առջև, որից դուրս գալու համար բավական շատ ջանքեր կպահանջվի:
Սերինե Բադալյան
1
2
3
4
5
1
2
3
4
5
3
