Մեծ հաշվով այս բանակցություններից շատ ակնկալիքներ չունեմ. Էդմոն Մարուքյան
Քաղաքականություն
«Գորշ գայլերը» սկսել են ակտիվանալ եվրոպական երկրներում: Ֆրանսիայի Նիս քաղաքում նրանք արդեն իսկ սկսել են իրենց իսլամական ֆաշիզմի մեթոդներով մարդկանց վնասել, ուսուցչուհու գլուխ կտրել, նույնիսկ հայերի դանակահարել: Սա է ծայրահեղական աբոխի ձեռագիրը, որին կարելի է հանդիպել անգամ քաղաքակիրթ համարվող եվրոպական այն երկրներում, որտեղ բուն են դրել ահաբեկիչները: Ֆրանսիական ողբերգությանն անդրադարձ կատարելով ԱԺ «Լուսավոր Հայաստան» խմբակցության ղեկավար Էդմոն Մարուքյանն իր ֆեյբուքյան էջում գրել է. «Այս դժվար պահին կանգնած ենք Ֆրանսիայի բարեկամ ժողովրդի կողքին։ Ահաբեկչությունը և ծայրահեղականությունը երբեք չեն կարող մեզ հաղթել»: Խմբակցության ղեկավարը խոսելով Ժնեևում Հայաստանի և Ադրբեջանի արտգործնախարարների բանակցություններից իր սպասելիքներին 1or.am-ի հետ զրույցում նշեց, որ այս պահին գնտվում ենք պատերազմական իրավիճակում, ակտիվ մարտական գործողություններ են ընթանում, ուստի իր կարծիքով, ամենայն հավանականությամբ, հանդիպման նպատակը հրադադարը չէ: «Որքան ես եմ հասկանում արտգործնախարարների հանդիպումը հրադադարի հարցի քննարումը չէ, քանի որ Ադրբեջանն ադեն երեք անգամ խախտել է հրադադարի ռեժիմը: Այս պահին շարունակում է պատերազմը, և Ադրբեջանն, անգամ, հանդգնում է Ստեփանակերտի ծննդատունը հրետակոծել: Ես կարծում եմ, որ Ժնևյան հանդիպումը ավելի շատ բանակցության սկիզբ կարող է լինել, բայց մյուս կողմից առանց հրադադարի շատ դժվար կլինի այս պայմաններում որևէ բան բանակցել: Ինչ վերաբերում է հրադադարի վերահսկողության մեխանիզմներ ներդնելուց, ապա Ադրբեջանն է հրաժարվում նման քայլ կատարելուց: Ուստի, հաշվի առնելով հրադադարի նախկին երեք պայմանավորվածությունների խախտումները, ես մեծ հաշվով այս բանակցություններից շատ ակնկալիքներ չունեմ»,- ասաց Է. Մարուքյանը:
Սերինե Բադալյան
1
2
3
4
5
1
2
4
5
1
2
3
4
5
