Ինչ ասել է ցավոտ փոխզիջումներ, արդյո՞ք խոսքը 5 շրջան հետո եւս 2 շրջան հանձնելու մասին է. Տեսանյութ
TV
Մենք մշտապես պատրաստ ենք եղել բոլոր տեսակի բանակցությունների։ Այս մասին այսօր՝ հոկտեմբերի 27-ին, լրագրողների հետ զրույցում ասաց Աժ փոխնախագահ Ալեն Սիմոնյանը։
Անդրադառնալով ՀՀ վարչապետ Նիկոլ Փաշինյանի՝ «ցավոտ փոխզիջումների» վերաբերյալ հայտարարությանը՝ Ալեն Սիմոնյանն ասաց. «Բանակցությունների ընթացքում եթե կար կամ կլիներ որեւիցե առաջարկ, որը մեզ համար ընդունելի կլիներ, ապա դա կդրվեր Հայաստանի Հանրապետության, Արցախի ժողովրդի քննարկմանը։ Փաստն այն է, որ նույնիսկ նմանատիպ առաջարկներ չեն եղել ու չկան ու չեն կարող լինել այս փուլում։ Այսինքն՝ որեւիցե կոնկրետացում մտցնել կամ փորձել դրա մեջ ինչ-որ բան գտնել՝ սխալ է»։
Հարցին՝ արդյո՞ք խոսքը 5 շրջան հետո եւս 2 շրջան հանձնելու մասին է խոսքը, ԱԺ փոխխոսնակն ասաց. «Եթե խոսքը դրա մասին լիներ, ապա դրա հետ կապված արդեն փաստաթուղթը պատրաստ էր, բանակցությունները երկար գնացել էր։ Այդ խոսակցությունը կշարունակվեր, եթե խոսքը դրա մասին լիներ»։
Անդրադառնալով Արցախում այս պահին իրավիճակին՝ Ալեն Սիմոնյանն ասաց. «Պատերազմը, որն ունի այդքան մեծ ծավալ, ունի իր խնդիրներն ու դրական կողմերը։ Կարող եմ ուրախացնել մեր համաքաղաքացիներին, որ այսօր արդեն այդ դրական կողմերն ավելի շատ են։ Այն անսպասելիությունը, այն անհավատ վիճակը, որ սա իրոք կատարվում է, իրոք երազ չի, անցել է արդեն, եւ տեղի են ունենում կոնկրետ գործողություններ։ Մեր բանակը, մեր տղերքը, մեր կամքը բավականին բարձր մակարդակի է։ Մենք դա ապացուցում ենք նաեւ թշնամու մռթին տալով։ Հայ զինվորը ի սկզբանե կանխել է ու կասեցրել է մի բան, որը թշնամին ուզել է անել. այն է, թշնամու տրամաբանությամբ իր անկախության օրն ինքը պատրաստվում էր նշել Ստեփանակերտում։ Թող որեւիցե մեկը թե դրսում, թե ներսում չոգեւորվի որեւիցե բանից։ Բնական է, ալիք է եղել հարձակման՝ Թուրքիայի, ահաբեկիչների մասնակցությամբ։ Այդ ալիքը, բնական է, կարող էր ինչ-որ հաջողություններ ունենալ, բայց որեւիցե մեկը թող դրանից չոգեւորվի։ Սպասենք լավ լուրերի, իսկ ես ձեզ խոստանում եմ, որ դրանք լինելու են շատ»։
Երեկ իր ֆեյսբուքյան ուղիղ եթերի ժամանակ ՀՀ վարչապետ Նիկոլ Փաշինյանը հայտարարեց, որ հայ ժողովուրդը պատրաստ է ցավոտ փոխզիջումների, բայց ոչ կապիտուլացիայի:
Այսօր լրագրողների հետ զրույցում ԱԺ փոխխոսնակ Ալեն Սիմոնյանը, պատասխանելով հարցին, թե ինչ ասել է «ցավոտ փոխզիջումներ», հայտարարեց. «Մենք մշտապես պատրաստ ենք եղել բոլոր տեսակի բանակցություններին:
Բանակցությունների ընթացքում, եթե կար կամ կլիներ որևէ առաջարկ, որը մեզ համար ընդունելի կլիներ, դա կտրվեր Հայաստանի, Արցախի ժողովրդի քննարկմանը: Փաստն այն է, որ նույնիսկ նմանատիպ առաջարկներ չեն եղել ու չկան ու չեն կարող լինել այս փուլում, ցավոք»:
Ավելին՝ այստեղ
1
2
3
4
5
1
2
3
4
5
1
5
