ԱԺ արգելք է դրել միայն թուրքական և վերջնական սպառում ունեցող արտադրանքի վրա
Դեռ ռազմական գործողությունները չէին սկսվել, երբ ՀՀ-ում արդեն խոսվում էր Թուրքիայից ապրանքներ ներկրելու սովորությանը վերջ տալու մասին: Արդեն իսկ բարձացվել էր մաքսատուրքը, ինչն էլ ապրանքի գինը հասցնում էր արտասահմանյան ապրանքների արժեքին: Այդ կերպ կնվազեր պահանջարկը և վաճառքը, ուստի և ներկրաման ծավալները: Այս ամենը առաջացրել էր ապրանք ներկրողների վրդովմունքը:
Ռազմական գործողությունների հենց առաջին օրվանից՝ սեպտեմբերի 27-ից, երբ ակնհայտ էր Թուրքիայի աջակցությունը Ադրբեջանին, հաշվարկվեցին և հրապարակվեցին, թե որքանո՞վ է ՀՀ-ն հարստացնում թշնամուն և որքա՞ն զենք կարելի է գնել այդ գումարով:
ՀՀ քաղաքացիների բոյկոտի մի տեսակն էլ դարձավ թուրքական արտադրության արտադրանքը չգնելը: Որոշ տնտեսվարողներ իրենք էլ պարզապես չվաճառեցին թուրքական արտադրանք:
Իսկ մանր և միջին բիզնեսի ներկայացուցիչները փակման կամ սննկացման եզրին են:
Ի աջակցություն ներկրողների Հայաստանի արդյունաբերողների և գործարարների միության նախագահ Արսեն Ղազարյանը հանդես է եկել կոչով. «… Հայաստանի համար օրակարգային է դարձել թշնամական տրամադրված այդ երկրի ապրանքների ներկրումից հրաժարումը»։
Քանի որ, Ազգային ժողովը արդեն իսկ դեկտեմբերի 31-ից ժամանակավոր արգելք է դրել թուրքական ծագում ունեցող վերջնական սպառման ապրանքների ներմուծման վրա, հայ գործարարներին հորդորել են նոր գործարար կապեր հաստատել այլ երկրների հետ:
Միաժամանակ հայտնում է, որ խնդիրներ են առաջացել այն գործարարների ու անհատ ձեռներեցների հետ, ովքեր մինչ այս, արդեն իսկ զգալի քանակով ապրանքներ են ներմուծել Թուրքիայից, կատարել զգալի ծախսեր և այժմ դժվարությունների առաջ են կանգնած դրանց սպառման առումով։
Ոլորտի պաշտոնյան նշել է. «Արդեն Հայաստանում գտնվող ապրանքները բոյկոտելով, մենք ոչ թե վնասում ենք թուրքական կողմին, այլև դժվար կացության մեջ դնում հայաստանցի ներկրողներին, որոնցից շատերն ունեն նաև վարկային պարտավորություններ։
Ուստի, ևս մեկ անգամ հաստատելով այսուհետ Թուրքիայից ապրանքների ներկրումը դադարեցնելու անհրաժեշտության մեր համոզմունքը՝ հայաստանցի սպառողներին կոչ ենք անում ըմբռնողականություն ցուցաբերել և չխոչընդոտել արդեն իսկ ներկրված ապրանքների սպառմանը»:
Սպառողները հավանաբար ականջալուր կլինեն իրավիճակին, սակայն էլի անպատասխան հարցերը շատ են: Օրինակ՝ որտեղի՞ց է ներկրվելու տեղական արտադրանքի հումք, ո՞ր երկրից և թուրքականից հրաժարվելը որքանո՞վ կվնասի ՀՀ տնտեսությանը: Եթե ուշադրություն դարձնենք, ապա կնկատենք, որ ԱԺ արգելք է դրել, միայն թուրքական և վերջնական սպառում ունեցող արտադրանքի վրա:
Իսկ ցուցարար բիզնեսմենները հարցնում են, որտեղից են ներկրելու պատրաստի հագուստ: Կառավարությունը հեռահար ակնարկում է… Չինաստան, Արաբական էմիրություններ և այլն։
Աննա Ավետիսյան
1
2
3
4
5
1
2
3
4
5
1
2
3
4
5
