Ադրբեջանը բացել է թուրքական բեռնատարների համար Պուտինի փակած դուռը

Թուրքական ԶԼՄ-ները` նշելով, որ Թուրքիայի ԱԳՆ-ն Ալիեւի որոշման մասին արդեն տեղեկացրել է տրանսպորտային աշխատողների UND տեղական միությանը:

Ըստ տեղեկատվության, Ռուսաստանի հետ կապված թուրք բեռնափոխադրողների համար ծագած խնդիրների մասին Ադրբեջանի ղեկավարությանը տեղեկացրել էր Թուրքիայի արտգործնախարար Մեւլութ Չավուշօղլուն Բաքու կատարած այցին:

Այժմ եթե թուրք վարորդներն անգամ մուտքի արտոնագիր եւ համապատասխան փաստաթղթեր չունենան, Ադրբեջանում նրանց նկատմամբ տույժեր չեն կիրառվի:

Նշվում է, որ ադրբեջանական կողմը թուրք բեռնատարների համար 50 տոկոսով նվազեցրել է նավերի եւ նավահանգիստների տարիֆները:

Ռուսաստանյան ԶԼՄ-ները հայտնում են, որ ՌԴ նախագահ Վլադիմիր Պուտինը հանձնարարել է ուժեղացնել Թուրքիայից ժամանող բեռնատար ավտոմեքենաների գործունեության վերահսկողությունը, ինչի վերաբերյալ հատուկ տնտեսական միջոցառումենրի մասին հրամանագիր է ստորագրել:

Հրամանագրում մասնավորապես ասվում է, որ 2016 թվականի հունվարի 1-ից գործատուներին արգելվում է Թուրքիայի քաղաքացիներին աշխատանքի վերցնել Ռուսաստանում, ՌԴ տարածքում արգելվում է Թուրքիայի իրավազորության տակ գտնվող կազմակերպությունների գործունեությունը, արգելվում է թուրքական ապրանքների նեկրումը ՌԴ:

Բացի այդ, հրամանագրում ասվում է, որ տուրիստական օպերատորները պետք է խուսափեն Թուրքիա զբոսաշրջային փաթեթների վաճառքից, ՌԴ եւ Թուրքիայի միջեւ չարտերային թռիչքներն արգելվելու են: 2016 թվականի հունվարի 1-ից դադարեցվելու է Թուրքիայի հետ առանց արտոնագրերի ռեժիմը:

Մոսկվան Անկարայի նկատմամբ տնտեսական պատժամիջոցներ նախապատրաստվելու մասին հայտարարել էր այն բանից հետո, երբ նոյեմբերի 24-ին թուրքական F-16 կործանիչը Սիրիայի տարածքում խոցել էր ռուսաստանյան Սու-24 ռմբակոծիչը, որը հակահաբեկչական գործողություններ էր անցկացնում: Թուրքիայի հովանու տակ սիրիական կառավարական ուժերի դեմ թուրք հրամանատարների ղեկավարությանբ կռվող թուրքմեն ցեղերի մարտիկները գնդակահարել են ռմբակոծիչից կատապուլտով դուրս նետված ռուսական օդանավի հրամանատարին: