Արցախի հարցի լուծումն` ըստ Նիկոլ Փաշինյանի
Վերլուծություն
«Արցախյան հարցի խաղաղ լուծումը պետք է ընդունելի լինի Հայաստանի, Արցախի և Ադրբեջանի ժողովուրդների համար»: Այս տեսակետն է առաջարկում ՀՀ վարչապետ Նիկոլ Փաշինյանը` Արցախի հարցի խաղաղ կարգավորման համար: Այս արտահայտությունից հատկանշական է այն, որ վարչապետը վերահաստատում է, որ Արցախը բանակցող կողմ է, բարձրացնում է նաև ադրբեջանցիների դերը, քանի որ այդ երկրի ղեկավար կազմին այնքան էլ հետաքրքիր չէ սեփական ժողովրդի կարծիքը և դրա մասին Ալիևների ընտանիքը երբեք չի խոսել:
Հանրային հեռուստաընկերությանը տված հարցազրույցում վարչապետը հստակեցնում էր, թե ինչ է քննարկվել Ալիևի հետ հանդիպման ժամանակ և ասում է՝ հարց է առաջանում, թե ո՞ր երկրի տարածքային ամբողջականության մասին է խոսքը: Հարցնում է՝ երբ Ադրբեջանը անկախություն է ստացել՝ հարգել է արդյո՞ք սովետական միության տարածքային ամբողջականությունը: Այստեղ էլ հակահարց է առաջանում, և վաչապետը պատասխանում է, որ Խորհրդային սոցիալիստական պետությունը այլևս գոյություն չունի և նրա տարածքային ամբողջականության մասին խոսքը անգամ լինել չի կարող:
Արցախն էլ է եղել Խորհրդային սոցիալիստական Ադրբեջանի մաս, որն այևս գոյություն չունի: Առաջարկում է հաշվի առնել այս դիսկուրսը՝ իր նրբություններով հանդերձ: Հստակ պատասխանում է՝ այստեղ հարցը տարածքներին չի վերաբերում, սա անվտագության խնդիր է, Արցախի ժողովորդի անվտանգության խնդիրը: Ինչ-որ արվել է, դա արվել է ժողովրդի անվտանգության համար, հնարավոր և անհնար բոլոր տարբերակներով պահպանվել է ժողովրդի անվտանգությունը, և այստեղ տարածքների խնդիր չկա, խոսքը միայն անվտանգությանն է վերաբերվում:
Պատերազմական իրավիճակից ելնելով էլ՝ ներկայիս կառավարությունը կարծում է, որ պետք է գնալ Արցախի անկախությունը ճանաչելու ճանապարհով:
Աննա Ավետիսյան
1
2
3
4
5
1
2
3
4
5
1
4
5
