Հայաստանը թուրքական ապրանքի ներմուծման վրա արգելք կդնի
Ուշադրության կենտրոնում
Պարզվում է` միայն 2019 թվականին Թուրքիայից Հայաստան 268.1 մլն ԱՄՆ դոլարի ապրանք է ներմուծվել։ Ներմուծվող հիմնական խոշոր ապրանքնախմբերից են` hագուստը, որը կազմում է 69.4 մլն ԱՄՆ դոլար, ցիտրուսային պտուղները` 10.3 մլն ԱՄՆ դոլարի չափով, մեքենաներ, սարքավորումներ և մեխանիզմներ՝ էլեկտրական ջեռուցիչ, սառնարան և այլն՝ 35.3 մլն ԱՄՆ դոլարի չափով:
Բացի այդ, 24.3 մլն ԱՄՆ դոլարի չափով Հայաստան է ներմուծվել նավթ և նավթամթերք, քիմիայի և դրա հետ կապված արդյունաբերության ճյուղերի արտադրանքի ներմուծումը կազմել է 23.6 մլն ԱՄՆ դոլար, իսկ ոչ թանկարժեք մետաղների և դրանցից պատրաստված իրերի ներմուծումը կազմել է 21.6 մլն ԱՄՆ դոլար։
Էկոնոմիկայի նախարարությունը մշակել և հանրային քննարկման է դրել որոշման նախագիծ, որով առաջարկում է ժամանակավորապես արգելել մի շարք թուրքական ծագման ապրանքների ներմուծումը Հայաստան: Փաստորեն, Հայաստանի կառավարությունը այս քայլով փորձում է ոչ միայն տնտեսական բնույթի սանկցիա կիրառել Թուրքիայի նկատմամբ, այլև անվտանգության տեսանկյունից դադարեցնում է հայաստանյան աղբյուրներից Թուրքիայի պետական գանձարանի ֆինանսական հոսքերի տրամադրումը, որը թուրքական իշխանությունները ուղղորդել ու ուղղորդում են Ադրբեջանին սատարելուն:
Սրանով միաժամանակ թույլ չի տրվի, որ թշնամական տրամադրված երկրից վերջնական սպառման ապրանքների ներմուծման միջոցով տարատեսակ վտանգներ ներթափանցեն մեր երկիր:
Անի Սիմոնյան
1
2
3
4
5
1
2
3
4
5
1
3
4
