Եղիսաբեթ II-ը դուրս է եկել ինքնամեկուսացումից՝ հանուն «Նովիչոկ»-ի փորձագետների
Ուշադրության կենտրոնում
Մեծ Բրիտանիայի թագուհի Եղիսաբեթ II-ը դուրս է եկել ինքնամեկուսացումից և հանդիպել ռազմական փորձագետներին, ովքեր զբաղվում են Հետախուզության գլխավոր վարչության (ՀԳՎ) նախկին աշխատակից Սերգեյ Սկրիպալի գործով, ով 2018 թվականին թունավորվել էր «Նովիչոկ» խմբին պատկանող նյութով: Միապետը գնացել է Սոլսբերի, որտեղ տեղի է ունեցել միջադեպը, և այցելել է Պորտոն-Դաուն ռազմական լաբորատորիա: Այս մասին հաղորդվել է Քեմբրիջի դուքսի և դքսուհու Twitter-յան էջում:
Մեծ Բրիտանիայի թագուհին և նրա թոռը՝ Քեմբրիջի դուքս Ուիլյամը, հանդիպել են մասնագետների հետ, ովքեր անմիջական մասնակցություն են ունեցել «Նովիչոկի»՝ որպես Սերգեյ և Յուլիա Սկրիպալների թունավորման միջոց,նույնականացման հետ: Դուքսը լաբորատորիայի աշխատակիցներին ծիսական Wilkinson սուր է նվիրել՝ պարգև, որը տրվում է բրիտանացի զինվորականներին՝ նրանց պարտականություններից դուրս գործունեություն ծավալելու համար:
«Daily Mail»-ը նշել է, որ մինչ վերոնշյալ իրադարձությունը, Եղիսաբեթ II-ը յոթ ամիս անցկացրել է թագավորական նստավայրում՝ կատարելով պետության ղեկավարի պարտականությունները: Թագուհին զբաղվել է փաստաթղթերով:
ՀԳՎ նախկին աշխատակից Սերգեյ Սկրիպալը և նրա դուստր Յուլիան 2018 թվականի մարտին բրիտանական հիվանդանոց են տեղափոխվել: Լոնդոնում հայտարարել են, որ նրանք թունավորվել են նյարդապարալիտիկ նյութ «Նովիչոկով»: Բրիտանական կողմը գտնում է, որ կատարվածի մեջ ներգրավված է Ռուսաստանի ղեկավարությունը:
Ռուզան Հովհաննիսյան
1
2
3
4
5
1
2
4
5
3
5
