6 սկանդալային ֆիլմեր, որոնց հերոսներն իսկապես սեքսով են զբաղվել նկարահանումների ժամանակ (18+)

Shabat.am-ը գրում է .

Սովորաբար ֆիլմերում սեքսուալ ակտերի տեսարանները բեմադրվում են, կամ էլ ներգրավվում են կրկնորդներ, սակայն կան որոշ ֆիլմեր, որոնք, չլինելով պոռնոգրաֆիկ բնույթի և նույնիսկ մասնակցելով հռչակավոր կինոփառատոնների, այնուամենայնիվ, պարունակում են տեսարաններ, որտեղ հերոսներն իսկապես սեքսով են զբաղվում:

Ձեզ ենք ներկայացնում 6 այդպիսի սկանդալային ֆիլմեր, որոնք ժամանակին մեծ աղմուկ են բարձրացրել:

1. «Բոսորագույն ճագարը»

Վինսենտ Գալոյի այս ֆիլմին ժամանակին սկանդալայնություն հաղորդեց երկարատև ու իսկական օրալ սեքսի տեսարանը՝ Քլոե Սևինյիի մասնակցությամբ: Ֆիլմում այն մատուցված է որպես Գալոյի հերոսի վառ հիշողություն ու կսկիծ իրեն թողած աղջկա հանդեպ: 2003 թվականի Կաննի կինոփառատոնին՝ ֆիլմի պրեմիերայի ժամանակ, Գալոն անգամ ստիպված էր հանդիսատեսի սուլոցների ու գվվոցների ներքո ներողություն խնդրել այդ դրվագի համար, բայց 12 տարի անց Գասպար Նոեի ոչ պակաս անկեղծ «Սերը» ֆիլմը հոտնկայս ծափահարություներով ընդունվեց: Ի դեպ, նկարահանումների ժամանակ Վինսենտ Գալոն ու Քլոե Սևինյին իրոք հանդիպում էին:

2. «9 երգեր»

Մայքլ Ուինտեբոթոմի նկարահանած երաժշտական ու զգացմունքային սիրո պատմությունը ևս անմասն չի մնացել իսկական սեռական ակտերի տեսարաններից: Իսկական սիրահարվածության ռոմանտիկան այստեղ մատուցվում է երկու հիմնական բաղադրիչների տեսքով՝ ֆիզիկական մտերմության ու երաժշտության: Գլխավոր հերոսները՝ Անտարկտիդան ուսումնասիրող Մետն ու ուսանողուհի Լիզան, ծանոթանում են ռոք համերգի ժամանակ: Ռոքի մեղեդայնությունն ուղեկցում է նրանց հարաբերություններին սիրո ծնունդից մինչև բաժանում, որը տեղի է ունենում, երբ Լիզան ստիպված է անսպասելիորեն հեռանալ, իսկ Մետը, չգիտես ինչու, չի գնում նրա հետ: Դերասան Կիրան Օ՛Բրայենը համարձակվեց այս չափազանց անկեղծ ֆիլմում նկարահանվել՝ արդեն ունենալով բավականին պատկառելի դերասանական փորձ, մինչդեռ նրա զուգընկերուհու՝ Մարգո Ստիլիի համար ֆիլմը դեբյուտային էր և դարձավ ուղեգիր դեպի մեծ կինոյի աշխարհ:

3. «Shortbus ակումբ»

Ջոն Քեմերոն Միտչելի այս կատակերգական պոռնոգրաֆիկ մելոդրամայում ամեն ինչ իրական է: Սյուժեի հիմքում ընկած են երիտասարդ սեքսոլոգ Սոֆիի դեգերումները նյույորքյան անդերգրաունդային մշակույթի ընդերքներում: Հերոսուհին ընկղմվում է ոչ միայն ժամանակակից երաժշտության ու արվեստի մեջ, այլև առանց նախապատմության ու ամոթի սեքսի աշխարհ: «Shortbus» ակումբ գալիս են միայն ընտրյալները: Այն հարմարավետ տեղ է, որտեղ քեզ կընդունեն այնպիսին, ինչպիսին կաս՝ անտեսելով քո սեքսուալ նախասիրություններն ու բարդույթները: Ճակատագրի հեգնանքով Սոֆին, լինելով սեքսոլոգ, ինքն է տառապում նրանից, որ չի կարողանում օրգազմ զգալ: Ակումբում նա ծանոթանում է հոմոսեքսուալիստ Ջեյմսի հետ ու իմանում է նրա սեռական կյանքի բոլոր մանրամասների մասին, նույնիսկ՝ ֆիզիոլոգիական:

4. «Հիմարները»

Լարս Ֆոն Թրիերն, անկասկած, այն ռեժիսորներից է, ով երբեք չի ծածկի մերկությունը կադրում ու չի փորձի համոզել, որ երեխաներին կաղամբի մեջ են գտնում: «Հակաքրիստոս» և «Նիմֆոմանուհին» ֆիլմերում բազմաթիվ տեսարաններ կան, որոնցում Շարլոտա Գենսբուրի, Ուիլյամ Դեֆոյի, Շայա Լաբաֆի ու այլ դերասանների հերոսները սեռական ակտով են զբաղվում, բայց ռեժիսորը նրանց փոխարինում էր կրկնորդներով ինտիմ տեսարաններում: Իսկ այ ռեժիսորի վաղ գործերից մեկում՝ «Հիմարները» ֆիլմում, հենց գլխավոր դերակատարներն են սեռական օրգաններն ի ցույց դնում տեսախցիկների առջև և անգամ մասնակցում են խմբակային սեքսի իսկական տեսարանի:

5. «Ռոմանս X»

Ֆեմինիստ Կատրին Բրեյան դիմում է սեքսուալ խաղերի մանրամասն ցուցադրության ոչ թե հանուն կինոդիտողների սիրո, այլ որպեսզի հաստատի այն գաղափարը, որ բարդ ցանկություններ ունեցող կնոջը շատ դժվար է ապրել այս աշխարհում՝ համեմատած գիշատիչ-տղամարդու հետ: Այս ֆիլմը երիտասարդ ուսուցչուհի Մարիի սեքսուալ ապրումների պատմություն է: Նրա սիրեցյալ Փոլը գեղեցիկ էգոիստ է, ով աշխատում է մոդելային բիզնեսում: Նա քնում է Մարիի հետ նույն անկողնում, բայց հրաժարվում է սիրով զբաղվել նրա հետ: Այս էրոտիկ անտարբերությունը մղում է Մարիին մի շարք խելահեղ քայլերի։ Կատրին Բրեյայի օբյեկտիվում տեսնում ենք իսկական մաստուրբացիա, ֆելյացիա, նույնիսկ ծննդաբերություն: Մի խոսքով՝ ամեն ինչ, բացի ամենասովորական սեռական ակտից: Ֆիլմը կարող է շոկի ենթարկել, բայց միևնույն ժամանակ ստիպում է տարբեր սեռերի ներկայացուցիչներին մտորել կանանց և տղամարդկանց տարբեր էությունների մասին:

6. «Ինտիմ»

Պատրիս Շերոյի այս ֆիլմը, որը 2000 թվականին ստացել է բեռլինյան կինոփառատոնի Գրան Պրին, պատմում է երկու գրեթե անոնիմ սիրեկանների մասին: Մարկ Ռայլենդսի ու Քերի Ֆոքսի հերոսները հանդիպում են շաբաթը մեկ անգամ և, առանց ավելորդ խոսքերի, արագ ու անսահման մեխանիկական սեքսով են զբաղվում: Նա գրեթե ոչինչի չգիտի իր սիրուհու մասին, իսկ սիրուհին չի հետաքրքրվում նրա կյանքով: Մի օր՝ նրանց հերթական հանդիպման օրը, սիրուհին չի գալիս, ու միայն այստեղ է հանդիսատեսի առջև բացվում միայնության այն խոր անդունդը, որի մեջ ընկղմված են այս պատմության հերոսները: