«Այժմ Ադրբեջանը ժողովրդավարական ուղիով զարգացող Արցախի համար պարզապես միջնադարյան հետամնացության խորհրդանիշ է». Սերժ Սարգսյան
Անկախ Հայաստանի 3 նախագահները Ղարաբաղյան հարցի իրենց մոտեցումներն ունեին: Pressmedia.am-ը արդեն ներկայացրել է ՀՀ առաջին նախագահ Լևոն Տեր-Պետրոսյանի և ՀՀ երկրորդ նախագահ Ռոբերտ Քոչարյանի տեսակետները՝ հարցի խաղաղ կարգավորման համար:
ՀՀ երրորդ նախագահ Սերժ Սարգսյանն առաջինն էր, որ խոսեց Արցախը, որպես առանձին պետություն, հանդես գալու մասին: Նյու-Յորքում կայանալիք ՄԱԿ-ի վեհաժողովում` 2017թ-ի ելույթի ժամանակ նշել է, որ Արցախի ժողովրդի ինքնորոշման իրավունքի իրացումը կենսական նշանակություն ունի, ապա երրորդ նախագահը առանձնացնում է, թե ինչու՞ զարգացում ապրող Արցախը չի կարող Ադրբեջանի մաս կազմել.
• «Այժմ Արդբեջանը ժողովրդավարական ուղիով զարգացող Արցախի համար պարզապես միջնադարյան հետամնացության խորհրդանիշ է
• Ադրբեջանը չունի իրավական և բարոյական որևէ հիմք՝ Արցախի հանդեպ հավակնություն ներկայացնելու համար: Արցախը երբեք Անկախ Ադրբեջանի մաս չի կազմել, ուստի արդար չեն Արցախը բռնագրավելու այդ պետական շրջանակի ձգտումները
• Լեռնային Ղարաբաղի հիմնախնդիրը մարդու իրավունքների խնդիր է և այն կարող է լուծվել միայն ժողովրդի ազատ ինքնորոշման միջոցով»:
Սերժ Սարգսյանը վստահեցնում և վերահաստատում էր, որ Արցախի հարցի լուծման ինչ տարբերակի էլ հանգենք, միևնույնն է, Արցախը չի կարող ունենալ ավելի ցածր կարգավիճակ, քան այսօր: Ուստի վերահաստատում է, որ Ադրբեջանը պետք է ճանաչի և հարգի Արցախի ժողովրդի ազատ արտահայտելու իրավունքը, իսկ արցախահայության անվտանգությունը պետք է պաշտպանված լինի բոլոր հնարավոր` միջազգային և ներքին մեխանիզմներով:
Հատկանշական է, որ Սերժ Սարգսյանը Արցախի հարցի կարգավորմանն ուղղված իր բոլոր ելույթներում բացառում էր օգտագործել «եթե, պիտի, կարող է» արտահատությունները, այլ ասում էր` «պետք է ընդունի, պետք է ճանաչի, պետք է հարգի, աշխարհը պիտի ապահովի» և վերջ, այլ տարբերակ չթողնելով մյուս կողմերին:
Աննա Ավետիսյան
1
2
3
4
5
1
2
3
4
5
1
2
3
4
5
