Թուրքական «Հուրիեթ» պարբերականի դեմ դատական գործ է հարուցվել
Միջազգային
Թուրքիայի առաջատար լրատվականներից մեկի` «Հուրիեթ»-ի կողմից Եգիպտոսի նախկին նախագահ Մուրսիին մահապատժի դատապարտելու վերաբերյալ նորությունը նախագահ Ռեջեփ Թայիփ Էրդողանի խոսքերով հրապարակումը պատճառ է դարձել թուրքական պարբերականի դեմ դատական գործ հարուցելու համար: Թուրքական «Զաման»-ը հայտնում է, որ փաստաբան Ռահմի Քուրթը դատական հայց է ներկայացրել «Հուրիեթ»-ի դեմ, ինչպես նաև պահանջել, որպեսզի ձերբակալվեն պարբերականի գլխավոր խմբագիր Սեդաթ Էրգինը և թերթի պատասխանատու տնօրեն Իզզեթ Դողանը:
«Հուրիեթ»-ն ավելի վաղ Մուրսիի մահապատժի մասին հրապարակումն արել էր այս մասին Էրդողանի մեկնաբանությամբ` վերնագրելով լուրը հետևյալ կերպ. «Ձայների 52 տոկոսը ստացած նախագահը մահապատժի է դատապարտվել»: Իշխող «արդարություն և զարգացում» կուսակցության անդամ, փաստաբան Ռահմի Քուրթը նշել է, որ «Հուրիեթ»-ը նման վերնագիր դնելով պարզապես քողարկված ձևով սպառնացել և ցանկացել է վախեցնել Էրդողանին` ցանկանալով հասկացնել, որ թեպետ ինքն էլ է նախագահ դարձել ձայների 52 տոկոսով, սակայն չեպտք է այդպիսով իրեն ապահով զգա: Քուրթի համոզմամբ ` նման հրապարակմամբ թուրքական պարբերականը «Ժողովրդին դրդում է թշնամության», «Ժողովրդին դրդում է Թուրքիայի Հանրապետության կառավարության դեմ զինված գործողությունների», «Գովում է հանցանքն ու հանցագործին», «Ահաբեկչական կազմակերպության քարոզչություն է անում», «Ցանկանում է փլուզել սահմանադրական կարգը», «Սպառնում և վիրավորում է հանրապետության նախագահին»:
Թուրքական «Հուրիեթ»-ի կողմից Մուրսիի մահապատժի մասին որոշումը Էրդողանի հնչեցրած խոսքերով հրապարակելուց հետո պարբերականը դարձել էր իշխող կուսակցության և երկրի նախագահի թիրախը: Ի պատասխան հնչեցված մեղադրանքների՝ «Հուրիեթ»-ն անգամ հատուկ բաց նամակ էր հրապարակել` ուղղված երկրի նախագահին: Նամակում ասվում էր. «Ի՞նչ ես մեզանից ցանկանում, պարոն նախագահ, աքսորելո՞ւ ես»: Թուրքական պարբերականը նամակով փորձել էր հասկանալ, թե արդյոք մեծ հանցանք է լուր հրապարակելը Էրդողանի խոսքերի մեջբերմամբ: Դրանից հետո, սակայն, Էրդողանի և ի շխող կուսակցության կողմից մեղադրանքներն ու քննադատությունները «Հուրիեթ»-ի և «Դողան» մեդիա խմբի նկատմամբ, որի անդամն է «Հուրիեթը», շարունակվել էին:
1
2
3
4
5
1
2
3
5
3
5
