Ռուսաստանը կակտիվացնի իր գործողությունները
Pressmedia.am կայքի զրուցակիցը քաղաքագետ Ռուբեն Մեհրաբյանն է։
— Պարոն Մեհրաբյան, Թուրքիայում չեն թաքցնում, որ հումանիտար հրադադարի պայմանավորվածությունն իրենց սրտով չէ, քանի որ Ալիևը օրեր առաջ հրապարակավ հայտարարել էր, թե Թուրքիան անպայման պետք է մասնակցի խաղաղության բանակցություններին, բայց Մոսկվայում ստորագրված փաստաթղթում անգամ չկար Թուրքիայի անունը։ Ինչպե՞ս եք գնահատում այս փաստը, արդյո՞ք դրանով պայմանավորված չի այն, որ Ադրբեջանը չի պահպանում հրադադարը։
— Ոչ միայն դրանով է պայմանավորված, այլ նաև Թուրքիան հավակնում է շատ ավելի մեծ ներկայություն ունենալ տարածաշրջանում, և նաև իր ցանկությունները բարձրաձայնում է Ալիևի միջոցով։ Եվ քանի դեռ չկա իրենց ներկայությունը, թուրքերը հորդորում են Ալիևին շարունակել այդ գործողությունը։
— Հաշվի առնելով այն, որ հումանիտար հրադադարի պայմանավորվածություն ձեռք բերվեց, բայց այն բազմիցս խախտվեց Ադրբեջանի կողմից, դուք ի՞նչ ակնկալիքներ ունեք այս իրավիճակից։
— Այնուամենայնիվ, ես ակնկալում եմ, որ այդ հումանիտար հրադադարը ինչ-որ ժամանակով կհայտարարվի։ Որովհետև Ռուսաստանի հեղինակությունը կասկածի է ենթարկվում այդ հրադադարի խախտողների կողմից։ Ես կարծում եմ, որ Ռուսաստանը կակտիվացնի իր գործողությունները` իր իսկ ձեռքբերումը ապահովելու համար։
— Դուք որքանով եք իրատեսական համարում այն, որ այս փուլում Ֆրանսիան կարող է ճանաչել Արցախի անկախությունը` հաշվի առնելով Ֆրանսիայի և ֆրանսիացիների անվերապահորեն աջակցությունը հայ ժողովրդին։
— Երեկ Ֆրանսիայի արտգործնախարար Ժան-Իվ Լը Դրիանի հայտարարությունը շատ բան է ասում Ֆրանսիայի դիրքորոշման մասին, որ Ֆրանսիան խստորեն պահպանում է հավասարակշռությունը կողմերի միջև իր մոտեցումներում, քանի որ Ֆրանսիան միջնորդ է և եռանախագահներից մեկն է ՄԻՆՍԿԻ խմբում։
Անի Մինասյան
1
2
3
4
5
1
2
3
4
1
2
3
5
