«Հիմա արգելված է դրա մասին խոսել». Քաղտեխնոլոգ
Ուշադրության կենտրոնում
Հասարակության մեծամասնությանը հետաքրքրում է, թե ինչու՞ Հայաստանի երբեմնի բարեկամ Ռուսաստանը չի աջակցում ՀՀ-ին և ԱՀ-ին: Նախկինում մի շարք քաղաքագետներ պնդում էին, որ ՀՀ նորընտիր իշխանությունը չի համագործակցում Ռուսաստանի հետ:
Pressmedia.am-ի հետ զրույցում էլ ռազմական փորձագետ Վան Համբարձումյանը կարծիք էր հայտնել, որ Թուքիան հասկացել է, որ ռուսական կողմի հարաբերությունները լարված են ՀՀ-ի հետ, ուստի իրեն զսպող օղակ այևս չկա, իսկ Ապրիլյան պատերազմի ընթացքում մարտերի խորությունը ընդամենը 5-10 կմ էր, բայցի այդ՝ 4 տարի առաջ Հայաստանի ուղղությամբ կրակ չկար: Չէին օգտագործվում նաև այն զինատեսակները, ինչ այսօր, և միտումնավոր չէր թիրախավորվում խաղաղ բնակչությունը: Հիմա էլ հայ ժողովուրդը, կարծես, դեռ սպասում է ռուսական կողմի միջամտությանը. դրա մասին վկայում են առնվազն սոցցանցային գրառումները: Թեմայի շուրջ քաղաքական վերլուծությունները բացակայում են:
Թերևս շահարկելի է այն, որ ռուսական կողմը պարտավորություններ ունի միայն ՀՀ-ի առջև, ոչ թե Արցախի: Այուամենայնիվ, Ռուսաստանը միջամտեց, կազմակերպեց հանդիպում, ձեռք բերվեց հրադադարի ռեժիմ, սակայն այն չպահպանվեց, բայց որևէ շոշափելի հետևանք հակառակորդը չկրեց: Ռազմական փորձագետը իր տեսակետն ուներ. «Ռուսաստանի նկատմամբ կիրառված են պատժամիջոցներ և Թուրքիան նրանից մեծ քանակի զենք է գնում»,- կարճ ձևակերպեց Վան Համաբարձումյանը:
Այնուամենայնիվ, քաղաքական կողմի գնահատականը և հասարակությանը հետաքրքրող ամենակարևոր հարցի պատասխանը ստանալու համար Pressmedia.am-ը կապ հաստատեց քաղտեխնոլոգ Կարեն Քոչարյանի հետ, ով ասաց. «Հիմա արգելված է դրա մասին խոսել»: Պատասխանը հասկանալի էր, բայց նաև պարզ է, որ ասելու շատ բան կա, որի մասին հավանաբար կխոսեն ռազմական դրության ավարտից հետո:
Աննա Ավետիսյան
1
2
3
4
5
1
2
4
3
5
