Ռուսաստանի օդատիեզերական ուժերը հարձակվել են Ղարաբաղ ուղարկված թուրք զինյալների վրա

Ռուսաստանը Հայաստանին և Ղարաբաղին մեծ ծառայություն է մատուցել. ԼՂՀ պատերազմ ուղարկված թուրք ահաբեկիչների ճամբարները ոչնչացվել են: Նյութը վերցված է ռուսական AVIA.PRO կայքից:

Իդլիբ գավառից մի քանի հարյուր թուրք զինյալների՝ Ադրբեջան ուղարկվելու մասին սիրիական աղբյուրների լուրի հաղորդումից հետո, ռուսական ռազմական հրամանատարությունը ստացել է ջիհադականների հավաքման և պատրաստման վայրերի կոորդինատները, և ընդամենը մի քանի ժամ անց ռուսական ռազմական ավիացիան հաջողությամբ հարվածել է այդ տարածքներին:

«Ահաբեկիչներին Ղարաբաղի համար պատրաստելու ճամբարների աշխատանքը շարունակվում է: Թուրքամետ գրոհայինների կողմից՝ որպես պարգևատրություն, Սիրիայում միջազգային ահաբեկչության դեմ պայքարող հետախուզական գործակալությունների նոր արշավին միաձուլված ահաբեկչական օբյեկտների լրացուցիչ հետախուզություն է անցկացվում: Հիշեցնենք, որ ստացված տվյալների մեջ տեղեկություններ կան նաև Ղարաբաղի համար՝ ճամբարներում գրոհայինների պատրաստման մասին: Ստացված տեղեկատվության մեծ մասը հաստատվել է. նշված կոորդինատներում հայտնաբերվել են հրամանատարական կետեր, գրոհայինների պատրաստման ճամբարներ և անօրինական զինված խմբավորումների ենթակառուցվածքային այլ օբյեկտներ, որոնց վրա ֆիքսված է հրոսակախմբի ակտիվությունը»,- այս մասին հաղորդել է «Русская весна» ռուսական տեղեկատվական հրատարակության «Телеграм»-յան էջը:

Դատելով Լեռնային Ղարաբաղում ռազմական գործողությունների իրականացման համար Ադրբեջան ուղարկված ջիհադիստների ծավալից՝ խոսքը կարող է գնալ մի քանի հարյուր գրոհայինների ոչնչացման մասին: Միևնույն ժամանակ, Ռուսաստանը ոչ միայն անգնահատելի աջակցություն է ցուցաբերում Հայաստանին և ԼՂՀ-ին, այլև Սիրիային՝ իրագործելով այդ տարածքները գրոհայիններից և ահաբեկիչներից մաքրելու կարևոր խնդիրը:

Ավելի վաղ հաղորդված տեղեկությունների համաձայն՝ հակամարտության ընդամենը մեկուկես շաբաթվա ընթացքում  Ղարաբաղ է ուղարկվել մոտ հազար զինյալ:

Ռուզան Հովհաննիսյան

Pressmedia.am