Իսրայելը կկանգնի ցեղասպանության ցավն իր վրա զգացած երկրի կողքի՞ն, թե՞ կդառնա ցեղասպանությանը աջակցող երկիր

 Իսրայելցի հայտնի բլոգեր Ալեքսանդր Լապշինը ֆեյսբուքյան գրառմամբ հայտնել է, որ Իսրայելի բոլոր առաջատար լրատվամիջոցները գրում են այն մասին, որ իսրայելական «Lev Yehudi» (հրեական սիրտ) կազմակերպությունը երեկ դատական հայց է ներկայացրել Իսրայելի Գերագույն դատարան ՝ պահանջելով անհապաղ դադարեցնել Ադրբեջանին զենքի մատակարարումը: Դատական գործը հարուցվել է Պաշտպանության նախարար Բենի Գանցի  ՊՆ արտաքին կապերի վարչության պետ Ռեյչել Հենի դեմ: Հայցի հիմքում այսօր Ադրբեջանը ահաբեկիչների բազայի վերածվելն է, որոնք նեգրավվում են Սիրիայից, Իրաքից, Աֆղանստանից: Նշվել է նաև այն փաստը, որ այսօր Ղարաբաղում տեղի է ունենում հայ բնակչության ցեղասպանություն, որին, փաստացի, Իսրայելն անուղղակիորեն կապված է: Այս քայլն, աշուշտ հասարակության կողմից երկակի ընդունվեց, քանի որ այդպես էլ պարզ չդարձավ, թե առհասարակ ինչպե՞ս կարող էր Հոլոքոստի զոհ դարձած ժողովրդի հայրենիքը՝ Իսրայելը, աչք փակել Ցեղասպանության ենթարկված մեկ այլ ժողովրդի՝ հայերի բնօրրանի հանդեպ նախապատրաստվող ցեղասպանական նկրտումների վրա և հանուն ինչ-ինչ շահերի աջակցել ծավալապաշտական նկրտումներ ունեցող թուրք-ադրբեջանական տանդեմին: Փորձագիտական մեկ այլ տեսակետի համաձայն, փաստորեն, մեծ քաղաքականությունից ու սեփական շահերից բացի, Իսրայելը սրանով փորձում է ցույց տալ, որ իր համար ավելի վեհ գաղափարները ևս կարևոր են, որը դեռևս պետք է հասնի իր տրամաբանական ավարտին, քանի որ այս պահին դեռևս սաղմնային փուլում է: Ժամանակից առաջ չընկնելու համար այս պահին ձեռնպահ ենք մնում որևէ եզրակացություն անելուց: Հետևենք իրադարձությունների զարգացմանը, պարզելու համար թե իրականում այս ամենով ինչ նպատակ է հետապնդում Իսրայելը՝ կանգնել ցեղասպանության ցավն իր վրա զգացած ազգի կողքի՞ն, թե՞ դառնալ ցեղասպանության աջակից երկիր: