Փաշինյանը այդ դավադրության ողնաշարը կոտրել է
Pressmedia.am կայքի զրուցակիցը քաղաքագետ Ստյոպա Սաֆարյանն է։
—Պարոն Սաֆարյան, ինչպե՞ս եք գնահատում, որ ռազմական դրության պայմաններում փոխվում է ԱԱԾ տնօրենը։ Սա, ըստ ձեզ, ավելի շատ արտաքի՞ն, թե՞ ներքին գործոններով է պայմանավորված։
— Միանշանակ ներքին։ ԱԱԾ տնօրենի փոփոխությունն ուղեկցվեց Փաշինյանի սկանդալային գրառումով, որտեղ, ըստ էության, խոսք էր գնում ներքին դավաճանության և պարտվողական դավադրություններ տարածելու ու առաջնագծում նահանջ կազմակերպելու հետ։ Ես կարծում եմ, որ այս ամենը միանշանակ կապ ունի մեր ներքին իրավիճակի հետ։
—Վերջին օրերի վարչապետի այս հայտարարություններից հետո արդյո՞ք տեսնում եք նորից ներքաղաքական ինչ-որ խլրտումներ։
— Ես այդ ամենը տեսել եմ մինչև Փաշինյանի հայտարարությունը, և հիմա էլ տեսնում ենք, որ ոմանք դիրքավորված են, բայց, ըստ էության, Փաշինյանն այդ դավադրության ողնաշարը կոտրել է։
— Ադրբեջանը փորձեց խախտել Մոսկվայում ընդունված որոշումը, ըստ որի՝ հումանիտար նպատակով հրադադար պետք է հաստատվի։ Որքանո՞վ է հավանական, որ հրադադարը հետագա օրերին կպահպանվի։
— Շատ խախուտ հրադադարի համաձայնագիր էր, անհասկանալի պայմաններով, իսկ ավելի ստույգ՝ պայմանների ու ժամկետների բացակայությամբ, ինչը ադրբեջանական կողմը առաջին իսկ օրից նշեց՝ արդարացնելու համար իր կողմից հրադադարի ռեժիմը չպահպանելը։ Բայց անգամ այդպիսի պայմանագիր լինելով հանդերձ՝ այդ թղթի վրա նշված է, որ իրենք համաձայնել են հրադադար պահպանել և վերսկսել բանակցությունները ԵԱՀԿ Մինսկի խմբի ֆորմատով։ Հիմա հայկական կողմը պետք է դիվանագիտության շնորհիվ հասնի այս պայմանների կատարմանը։ Որքան էլ հրադադարի մասին ադրբեջանական այն բարբաջանքը, որ իրական մեխանիզմները բավարար չեն, միևնույնն է՝ հայկական կողմը պետք է այդ ամենին հասնի ստիպելով։ Ես կարծում եմ, որ անցած գիշեր իրենք պետք է համոզված լինեին, որ եթե իրենք փորձեն Ստեփանակերտը և այլ քաղաքներ ավիրել, ապա մեր կողմից ստանալու են պատասխան և նրանք պետք է հասկանան, որ հրադադար պետք է իրենց և իրենց բնակիչներին։
Անի Սիմոնյան
1
2
3
4
5
1
2
3
4
1
2
3
5
