Բա բարոյակա՞ն կողմը, «հարևա՛ն ջան»
Ըստ երկու երկրների ԱԳՆ նախարարների պայմանավորվածության` հոկտեմբերի 10-ին, ժամը 12:00-ից պետք է գործեր հումանիտար հրադադար: Պետք է լիներ գերիների փոխանակում և դիերի հանձնում:
Հակամարտող երկրների՝ Հայաստանի և Ադրբեջանի, ԱԳՆ նախարարների հանդիպումը տեղի է ունեցել Ռուսաստանում և այդ երկրի նախաձեռնությամբ: Հրադադարի ռեժիմը 12:05 րոպեին խախտել է ադրբեջանական կողմը՝ դիվերսիոն փորձ կատարելով Հադրութ քաղաքի ուղղությամբ, ըստ Արցախի նախագահի և ՀՀ ՊՆ ներկայացուցիչ Արծրուն Հովհաննիսյանի՝ փորձը կանխվել է և իրավիճակը գտնվում է ՊԲ-ի վերահսկողության տակ: Օրվա ավարտին էլ Արցախի ՄԻՊ-ը հայտնեց, որ գործողությունների արդյունքում մահացել է 2 քաղաքացիական անձ՝ մայրը և հաշմանդամություն ունեցող որդին: Օրվա ավարտին խոսեց նաև Ադրբեջանի ԱԳ նախարարը, ով ընդունեց, որ հրադադարը չի պահպանվել, քանի որ գործնական քայլերի են սպասում: Ադրբեջանի և Թուրքիայի համատեղ այս քայլը, քաղաքագետների համոզմամբ, ՌԴ նախագահ Վլադիմիր Պուտինի դեմ էր: «Կարմիր խաչ»-ն էլ ասում է՝ առարկայական դեռ ոչ մի գործողություն չի եղել: ՊՆ ներկայացուցիչ Արծրուն Հովհաննիսյանն էլ զգուշացնում է՝ առանց «Կարմիր խաչի» գործողություններ չեն արվի:
Սա մի հատված է իրավական և քաղաքական դատապարտումներից, որոնց շարքը կարելի է անվերջ շարունակել: Խնդրին արձագանքնել են միջազգային կառույցները, այլ երկրիների նախագահները և բարձրաստիճան պաշտոնյանները, որոնք խոսում, դատապարտում և քննադատում են քաղաքական և իրավական մասով, իսկ բարոյակա՞նը: Սա ուղիղ հարված է նաև Ադրբեջանի բնակչությանը, ԱՀ-ի տարածքում գտնող դիերին և գերիներին սպասում են նաև իրենց տանը, մի՞թե ադրբեջանցի մայրերը չեն ցանկանում իրենց որդիների դիերը: Միայն մոր վիշտը հարգելով և օր առաջ դիերն իրենց հարազատներին հասցնելու համար Ադրբեջանի ռազմաքաղաքական ղեկավարությունը պետք է հրադադարը չխախտեր:
Ահա զինվորին, կնոջը, մոր, ծնողի վիշտը չհարգելու օրինակ: Մի՞թե Ադրբեջանի քաղաքացիները կույր են, բացահայտն անտեսանելի՞ է:
Աննա Ավետիսյան
1
2
3
4
5
1
2
3
4
1
2
3
5
