Ռուսաստանը փորձում է Հայաստանին ներքաշել հակաթուրքական կամպանիայի մեջ

Կարպիս Փաշոյանը ֆեյսբուքյան իր էջում գրում է .

Ռուսաստանը փորձում է Հայաստանին ներքաշել հակաթուրքական կամպանիայի մեջ: Այդ տեսանկյունից ռուսները օգտագործում են իրենց տրամադրության տակ եղած գրեթե բոլոր միջոցները. 

1. Թուրքիայի կործանումը փափագող ազգայնականներ

2. Իր տրամադրության տակ եղած ռուսական և հայկական լրատվամիջոցներ

3. Ռուսաստանից ֆինանսական կախվածության մեջ գտնվող միլիոնավոր մարդիկ
Ասվածի վառ ապացույցն է այն, որ ռուսական և հայկական լրատվամիջոցները շահարկել են Թուրքիայի վարչապետ Ահմեդ Դավութօղլուի խոսքերը` կապված Արցախի և ազատագրված տարածքների հետ` փորձելով դրանք ներկայացնել որպես տարածաշրջանում իրավիճակը ապակայունացնելու փորձ, այն դեպքում, երբ վարչապետի խոսքերը պարզապես հայտարարություններ չէին, այլ նա ներկայացրել է Թուրքիայի նոր` 64-րդ կառավարության ծրագրի արտաքին քաղաքականության Հարավային կովկասին վերաբերող ձևակերպումները: Ի դեպ կառավարության ծրագրի մեջ որևէ արտասովոր բան չկար, քանզի այն կրկնում է նախորդ կառավարության ծրագիրը: 
Վերոհիշյալ <<թյուրիմացության>> վերաբերյալ ճշգրտումներ է արել թյուրքագետ Լևոն Հովսեփյանը (նյութը մեկնաբանություններում): 

Արդյունքում արձանագրությունների ետ կանչվելուց հետո առանց այն էլ փակուղային իրավիճակում գտնվող Հայ-թուրքական փոխհարաբերությունները էլ ավելի կսրվեն, կմեծանա երկու հասարակությունների փոխադարձ անվստահությունը, թշնամանքը և այսպես շարունակ: 

Եվ այս ամենը ազգայնական դեմագոգիայի նվագակցությամբ, կարծես թե նորից փորձում են վերակենդանացնել Դաշնակ Դրոյին: