Լուսանկարիչը 6 տարի է վատնել իր երազանքի լուսանկարն անելու համար (լուսանկարներ)
Life
Tert.am-ը գրում է .
Վայրի բնության լուսանկարիչ շոտլանդացի Ալան ՄքՖեդյենը վերջապես կարողացել է որսալ այն ամենակատարյալ կադրը, որը ցանկացել է անել 6 տարի շարունակ։ Նա երազել է լուսանկարել ալկիոնի, որը սուզվում է ջրի մեջ: Դրա համար Ալանն անցել է միևնույն լիճը մի քանի անգամ (տարեկան միջինը 100 օր) և համառորեն լուսանկարել թռչուններին, գրում է AdMe.ru-ն։
Սերը բնության հանդեպ Ալանին փոխանցել է նրա պապը: 40 տարի առաջ, երբ նա եղել է 6 տարեկան, պապիկը ցույց է տվել լիճը, որտեղ բնակվում են ալկիոնները: Մեծանալուց և լուսանկարիչ դառնալուց հետո նա մեկնել է այդ նույն վայրը` այդ թռչունների գեղեցկությունը և ճարպկությունը պատկերելու համար։
ՄքՖեդյենը լուսանկարել է 720.000 կադր` մինչև կատարյալ լուսանկար ստանալը։
«Ես ցանկանում էի այնպիսի լուսանկար անել, որում թռչունը սուզվում է ջուրը՝ առանց մի կաթիլ ջուր շաղ տալու։ Փոքր տարիքում ես պարզապես սիրահարվել էի այս թռչուններին` հրաշալի ձկնորսներին, և ցանկանում էի ներկայացնել իրենց ամբողջ գեղեցկությամբ: Լուսանկարի համար ոչ միայն ես պետք է բռնեի անհրաժեշտ պահը, այլև ալկիոնն ամեն ինչ անթերի պետք է կատարեր: Ես լուսանկարում էի օրական 600 կադր, սակայն դրանցից ոչ մեկը կատարյալ չէր ստացվում»,- պատմել է լուսանկարիչը:
Ահա ստացված կադրը
1
2
3
4
5
1
2
3
4
5
5
