«Սպիտակ բանակի» երկրորդ ճակատը, կամ ո՞վ ինչ է «նկարում»

Հասարակության մեծ մասին թեև այնքան էլ չի հետաքրքրում, սակայն պետք է արձանագրել, որ երկրին սպառնացող մյուս խնդիրը շարունակում է խորը արմատներ ունենեալ: Օր օրի ավելանում են կորոնավիրուսային թվերը: Վերջին մեկ շաբաթում գրանցվել է վարակման 3396 դեպք և միայն այսօր թեստավորվածների տոկոսային հարաբերության համեմատությամբ վարակված է թեստավորվածների 23,4 %-ը: Նախորդ օրերին վիճակագրությունը այլ է՝ 491(11.9%), 532(13.7%), 543(15.6%), 571(17.5%), 181(17.2%), 406(21.1%), 672(23.4%):

Անհրաժեշտ է արձանագրել, որ վերջին մեկ շաբաթվա ընթացքում կրկին վարակվածների թիվը գերազանցում է առողջացածների թվին: Միայն այսօր վարակվել է 672 անձ և ապաքինվել 178-ը: Թվերի ցուցանիշները նմանվել է հուլիսյան պիկին: Բժիշկների «սպիտակ բանակը» հիմա պայքարում է երկու ճակատով, և բոլոր պաշտոնյաները կոչ են անում կրել դիմակ և չծանրաբեռնել առանց այդ էլ բժիշկների` այդչափ ծանրաբեռնված աշխատանքը: Ընդհանուր վարկվածների թիվը 53755 է, ներկայումս կա 7348 վարակակիր: Պիկի օրերի համեմատությամբ նվազել է մահացության ցուցանիշը: Այսօր մահացել է 5 մարդ, մահացածների ընդհանուր թիվը՝ 1297 է, որից 302 քաղաքացու մոտ մահը վրա է հասել այլ պատճառներից:

Pressmedia.am-ը զրուցել է առողջապահության ոլորտային քաղաքականության ընդդիմադիրներ՝ «Առողջ հանրություն» ՀԿ նախագահ Մարինա Խաչատրյանի և «Պառացելսիուս» ՀԿ նախագահ Նունե Ներսիսյանի հետ, և փորձել հասկանալ, թե այս ցուցանիշները ինչի հետ են կապված, արդյո՞ք պատճառը պատերազմական գործողություններն են և խնդրին՝ քաղաքացիների ոչ զգոն վերաբերմունքը:

Երկու մասնագետներն էլ հարց ուղղեցին, թե ինչպես է ստացվում, որ Արցախի Հանրապետությունում, որտեղ իրենք անձամբ դիմակով մարդկանց չեն հանդիպում, թվերը այդքան քիչ են, քան Հայաստանում՝ հաշվի առնելով, որ մեծ մասն այս պահին Արցախում են՝ տարբեր առաքելություններով: Երկու ընդդիմախոսներն են ասում են, որ թվերը «նկարում են»: Նունեն Ներսիսյանի կարծիքով դա ձեռնտու է նախարարության և հատկապես՝ նախարար Արսեն Թորոսյանին, թե ինչու՞՝ չմանրամասնեց, ասեց, որ թեմային մանրամասն անդրադառնալու է պատերազմական գործողությունների ավարտից հետո:

Մարինա Խաչատրյանը «նկարելու» պատճառը հստակ գիտի, կարծում է, որ այս ամենը արվում է, որպեսզի շարունակվի դպրոցներում դիմակներ կրել պարտադրելու հանցավոր պրակտիկան: Վստահ է, որ դեկտեմբերին՝ այս ամենից ելնելով, առողջապահության նախարարը պատրաստվում է պատվաստել բոլորին, ընդ որում` մի պատվաստանյութով, որն ԱՄՆ-ն հետազոտելուց հետո արգելեց կիրառել՝ պատճառաբանելով, որ բացասական էֆեկտները ահռելի են: Խորհուրդ տվեց հանցավոր համագործակցությունները դադարեցնել, քանի որ երկրում պատերազմ է, իսկ դրա ավարտից հետո հետաքրքիր փաստեր կներկայացնի հանրությանը և իրավապահ մարմիններին:

Աննա Ավետիսյան

Pressmedia.am