«Ադրբեջանը կամ պետք է ետ քաշվի, կամ էլ գնա միչև վերջ և պարտվի». Վան Համբարձումյան
Վերլուծություն
Արցախաադրբեջանական շփման գծի ողջ երկանքով ինտեսիվ մարտերը շարունակվում են: Չնայած ԵԱՀԿ Մինսկի խմբի համանախագահների հայտարարություններին և միջազգային մակարդակով հնչած կոչերին՝ պաշտոնական Բաքուն չի դադարեցնում խաղաղ բնակչության թիրախավորումը և շարունակում է խախտել ռազմական բոլոր գրված և չգրված օրենքները: ՊԲ-ն՝ բազմիցս արված խաղաղության անօգուտ կոչերից հետո, կիրառեց պատժիչ գործողությունները:
Արցախի նախագահ Արայիկ Հարությունյանը հայտարարեց, որ Գյանջայի օդանավակայանի պայթունը ընդամենը սկիզբն է, եթե Ալիև ընտանիքը հետևությունները չանի, իսկ հետագա ընթացքը կանխորոշեց ՀՀ ՊՆ նախարար Դավիթ Տոնոյանը՝ ասելով, որ հետևանքները սարսափելի են լինելու: Այնուամենայնիվ, Ադրբեջանի իշխանությունները սկսեցին թիրախավորել Շուշին և Ստեփանակերտը:
Pressmedia.am-ի տեսակետի հետ համամիտ էր ռազմական փորձագետ Վան Համբարձումյանը, ով վերահաստատեց, որ օդանավակայանի հարվածը թշնամու համար զսպող չեղավ: Բացատրեց` ինչու՞. «Զսպող մեխանիզմ չեղավ, քանի որ Ադրբեջանի իշխանությունը «Կարմիր գիծը» վաղուց հատել է: Սա Ադրբեջանի ռազմաքաղաքական ղեկավարության համար լրջագույն հեղինակության կորուստ էր: Պատասխանը հուսահատ էր, քանի որ նրանք պետք է ամեն ինչ անեն, որ գոնե ինչ-որ մի հաջողություն արձանագրեն»: Այդ է նաև պատճառը, որ Ստեփանակերտում առաջին անգամ ռազմաօդային ուժերը ավիոռումբեր են նետում», - շարունակելով միտքը պնդում է, որ նման զենքով հարվածելը նշանակում է` ավիոռումբ է օգտագործվել: Ըստ Վան Համբարձումյանի, Ադրբեջանի ռազմաքաղաքական ղեկավորությունը ոչ թե դադարեցնելու է կրակը, այլ շարունակելու է գոնե ինչ-որ արդյունքի հասնելու համար: Վստահ է, որ Լեռնային Ղարաբաղի վրա հիմա ավելի շատ արկեր էին ընկնում, քան Ղարաբաղյան (1988) պատերազմի ամբողջ ընթացքում: Վերահաստատեց, որ վճռական մարտ է, ասում է կամ պետք է ետ քաշվեն, կամ էլ գնան ու միչև վերջ պարտվեն:
Աննա Ավետիսյան
1
2
3
4
5
1
3
1
2
