Համաշխարհային պատերազմների ժամանակ մարշալներ տված ազգը չի կարող պարտվել
Արդեն բոլորին է պարզ, որ այսօր հայկական բանակը կռվում է մի քանի ուղղություններով: Պայքարի հիմնական թիրախում ահաբեկիչներն են, որոնք ոչ միայն Հայաստանի, այլև ողջ քաղաքակիրթ աշխարհի թիվ մեկ վտանգն են հանդիսանում: Եվ, իրոք, Հայաստան աշխարհը լինելով քաղաքակրթական առաջնագծում՝ այսօր իր հերթական Բիբլիական առաքելությունն է իրականացնում պայքարելով ոչ միայն իր գոյության, այլև համաշխարհային քաղաքակրթական աշխարհի փրկության համար: Սա ամենևին էլ նախորդ դարի սկիզբը չէ: Այլևս մեր ձեռքին ոչ թե թղթե շերեփ է կամ հույսը, թե հայի արցունքը կամ խոշտանգված մարմինը կարող է շարժել աշխարհի հզորների միտքը, այլ՝ մարտունակ բանակը, որը, փաստացի, ապացուցում է, որ պատրաստ է պատվով կրել հայի խաչն ու սեփական ձեռքերով կերտել իր պայծառ ապագան: Համաշխարհային պատերազմների ժամանակ մարշալներ տված ազգը չի կարող պարտվել, ինչքան էլ որ նենգ ու դավադիր լինի թշնամին: Հայը եղել է, հայը կա ու դեռ երկար կապրի, ոչ միայն աշխարհի ներկապնակի երանգներն իր լույսով զարդարելու համար, այլ իր առաքելությամբ արդարություն բերելու համայն աշխարհին:
Արմինե Գրիգորյան
1
2
3
4
5
1
2
3
4
5
1
2
3
4
5
