Ի՞նչ անել, եթե հայտնվել եք ռմբակոծության տակ կամ հայտարարված է օդային տագնապ

Սեպտեմբերի 27-ից երկրում ռազմական դրություն է: Յուրաքանչյուր օր կատաղի մարտեր են ընթանում: Անգութ ու նենգ թշնամին թիրախավորում է խաղաղ բնակավայրերը:

Pressmedia.am-ն առանձնացրել է այն կանոնները, որոնք անհրաժեշտ է պահպանել, եթե ազդարարվի օդային տագնապ կամ սկսվի ռմբակոծություն: Ի՞նչ անել «օդային տագնապ» հրահանգը ստանալուց հետո:

• Ամենակարևորը խուճախի չմատմնվելն է

• Անհրաժեշտ է գործել հնարավորինս արագ

• Հարկավոր է նախօրոք տեղեկանալ բնակավայրի, աշխատավայրի հարևանությամբ տեղակայված պաշտպանական կառույցների մասին

• Եթե գնտվում եք աշխատավայրում պարտավոր եք հետևել ընկերության ՔՊ պլանին

• Անջատել ներքին և արտաքին լուսավորությունը բացառությամբ՝ քողարկված լուսարձակներով լուսացույցերի

• Հնարավորինս արագ տեղափոխվել պաշտպանական կառույց

• Տրանսպորտային միջոցների վարորդները պարտավոր են անմիջապես կայանել մեքենան, բացել դռները, անջատել էլեկտրականությունը և արագ դուրս գալ՝ փորձելով հասնել մոտակա պաշտպանական կառույց:

Հարկ ենք համարում նշել, որ Երևան քաղաքում պաշտպանական կառույց են համարվում գետնանցումները, կայարանները, մետրոպոլիտենը: Որպես պաշտպանական կառույց կարելի է օգտագործել աղյուսե կամ քարե ցանկապատերը, ջրատարերը, կոճղերը, թմբերը: Հարկավոր է հիշել, որ շենքերի, շինությունների պատերի տակ պատսպարվել չի կարելի:

• Բնակարանում գտնվելու դեպքում անհրաժեշտ է անջատել գազամատակարարման, էլեկտրամատակարարման, ջրամատակարարման համակարգերը

• Վերցնել ՔՊ նախապես պատրաստված պայուսարկը և անհապաղ տեղափոխվել մոտակա պաշտպանական տարածք

Աղետի ճամպրուկը պետք է պարունակի 3 օրվա անհրաժեշտ սննդի և ջրի պաշար, առաջին անհրաժեշտության իրեր, հիգիենիայի պարագաներ, դեղամիջոցներ, անձը հաստատող փաստաթուղթ: Հատուկ հաղորդագրություն լսելու և հրանագների հետևելու համար կարող եք միացնել ռադիոն, հեռուստացույցը: Անհրաժեշտ է գործել ըստ հաղորդվող տվյալների:

Քաղաքացիներից շատերին է հետաքրքրում, թե ինչ է թաքստոցը և պատսպարումը: Դրանք են ` ամրացված կառույցներ, բնական միջավայր, տեղական առարկաներ (նկուղներ, կիսանկուղներ, խորացված տարածքներ, հանքախորշեր, ստորգետնյա անցումներ, մետրոպոլիտենի ստորգետնյա կայարաններ), որոնք կարող են պաշտպանել մարդկանց, տեխնիկան և ունեցվածքը պատերազմական պայմաններում, ռազմական կոնֆլիկտների ժամանակ կիրառվող խոցման միջոցների ազդեցության գործոններից ու վթարներից, աղետներից և այլ արտակարգ իրավիճակների ազդեցությունից:

Աննա Ավետիսյան

Pressmedia.am