Երբ թշնամու թիրախում անզեն լրագրողներն են
Միջազգային և հայ մամուլում լուրեր են տարծվում մարտի դաշտում հայ և օտարերկրյա լրատվամիջոցների ներկայացուցիչների վիրավորվելու և կրակահերթի տակ հայտնվելու մասին: Հատկանշական է, որ վիրավորվում են միայն հայկական կողմում գտնվող ԶԼՄ ներկայացուցիչները: Ադրբեջանում այդ մասին խոսք անգամ չկա և սա ևս մեկ ապացույց է, որ արցախյան ճակատից խաղաղ բնակչության վրա չեն կրակում, հատկապես` լրատվամիջոցների, ովքեր իրենց մասնագիտական պարտքն են կատարում, զինված չեն:
Ագրեսոր Ադրբեջանի հրետակածությունից տուժել են ֆրանսիական Le Monde պարբերականի լրագրողները: Այս մասին իր հայտնել է Հանրային կապերի և տեղեկատվության կենտրոն ՊՈԱԿ–ի տնօրեն Հովհաննես Մովսիսյանը՝ հավելելով, որ վիրավորները նախնական տվյալներով Ֆրանսիայի քաղաքացիներն են:
Հաջորդ թիրախը ռուսական լրատվամիջոցն էր: Ռուսական Дождь հեռուստաալիքի գլխավոր խմբագրի տեղակալ Դմիտրի Ելովսկին ԼՂ Մարտունի քաղաքում հրետակոծության տակ է ընկել:
Ինչպես հայտնում է ՏԱՍՍ-ը, այս մասին տեղեկացրել է հեռուստաալիքի գլխավոր խմբագիր Տիխոն Դզյադկոն:
«Дождь-ի գլխավոր խմբագրի տեղակալ Դմիտրի Ելովսկին հրետակոծության տակ է ընկել Մարտունի քաղաքում, հիմա նա գտնվում է ռմբապաստարանում»,-իր թելեգրամյան ալիքում գրել է Դզյադկոն: Թարգմանությունը` tert.am-ի:
Բնականաբար, թիրախավորված էին տեղական լրատվամիջոցները: Առաջինը հայտնի դարձավ, որ թիրախավորվել է Արմենիա հեռուստաընկերության «Ժամը» լրատվականի նկարահանող խումբը, որի արդյունքում թեթև վիրավորում է ստացել օպերատոր Արամ Գրիգորյանը: Հաղորդում է լրատվականի ֆեյսբուքյան էջը: Քիչ անց Հանրային կապերի և տեղեկատվության կենտրոն ՊՈԱԿ–ի տնօրեն Հովհաննես Մովսիսյանը հայտնեց, որ վիրավորվել է 4-րդ լրագրողը` 24news.am կայքի լրագրող Սևակ Վարդումյանը: «Ժամը» լրատվականի էջը հայտնում է, որ Սևակ Վարդումյանը վիրավորվել է մեջքի շրջանում, հոսպիտալացվել է:
Այս ամենի կողքին է ռուս զինթղթակից, WarGonzo նախագծի հեղինակ Սեմյոն Պեգովը, որն արդեն մի քանի օր է՝ գտնվում է Լեռնային Ղարաբաղում ընթացող մարտական գործողությունների գոտում, EADaily-ին տված հարցազրույցում խոսել է արցախա-ադրբեջանական սահմանին ընթացող ռազմական գործողությունների, հակամարտությանը Թուրքիայի ներգրավվածության և մարտերին մասնակցող սիրիացի վարձկանների մասին։
Հարցին, թե ինչ կարող է պատմել ԼՂ շփման գոտում տեղի ունեցող մարտական գործողությունների մասին` Պեգովը նշել է, որ հայ զինվորների շրջանում խուճապ չկա։ «Ի՞նչ կարող եմ ասել։ Տղաների շրջանում ոչ մի խուճապ չկա։ Այնպիսի զգացողություն է, թե տղաները իրենց ամենօրյա աշխատանքն են կատարում։ Եթե խոսենք արցախցի զինվորականների մասին, ապա նրանց կարգապահության և բարոյական ուժի մակարդակն իսկապես կարող է համեմատվել բազմաթիվ այլ ստորաբաժանումների հետ ինչպես Ռուսաստանում, այնպես էլ արտասահմանում»,- ընդգծել է նա։
Նրա խոսքով՝ այս հակամարտության մեջ հատկանշական է այն փաստը, որ հօգուտ Ադրբեջանի գործում է երրորդ կողմը՝ Թուրքիան, և նրա ուղիղ ներգարվվածությունը հղի է երրորդ աշխարհամարտի բռնկման սպառնալիքով։ Թարգմանությունը՝ tert.am-ի:
Թշնամու կողմից լրատվամիջոցներին թիրախավորելու փաստի առթիվ միջազգային հանրությունը դեռ չի արձագանքել:
1
2
3
4
5
1
2
3
4
5
1
2
3
4
5
