Ապրիլյանի դասերը

Ինչպես հայտնի է` արդեն չորրորդ օրն է, ինչ արցախաադրբեջանական շփման գծում կոնկրետ պատերազմ է ընթանում, չնայած այն հանգամանքին, որ միջազգային հանրությունը և ԵԱՀԿ ՄԽ-ի համանախագահները շոշափելի հստակ քայլեր չեն իրականցնում։ Բացի դրանից, պարբերաբար տարբեր սեգմենտների կողմից փորձեր է արվում զուգահեռներ անցկացնել նախորդ պատերազմների՝ մասնավորապես` Ապրիլյան քառօրյայի հետ։ Եթե փորձենք համեմատական անցկացնենլ Քառօրյանի հետ, ապա այս դեպքում ամենաառանցքային դրվագը, որին պետք է ուշադրություն դարձնել` դա երրորդ նախագահ Սերժ Սարգսյանի անմիջական գործոնն է և նրա կողմից ցուցաբերված սարնասրտությունը, որը նա ցուցաբերեց պատերազմի հենց սկզբին։ Հենց այդ օրերին բոլորս ականատես եղանք, թե ինչպիսի կազմակերպվածությամբ էր երկրի այդ ժամանակվա ղեկավարը կատարում իր բոլոր քայլերը՝ առանց աչք անգամ թարթելու։

Ըստ էության, շատ կարևոր է տվյալ պահին երկրի ղեկավարի քայլերի հաջորդականությունն ու նրա ընդունած որոշումները։ Առանցքային է, թե ստեղծված ցուգցվանգային իրադրությունում ինչ հանդիպումներ, հեռախոսազանգեր ու հայտարարություններ է անում, դրանք շատ հաճախ վերլուծվում ու ուսումնասիրվում են պատերազմից հետո միայն, իսկ ներկա իրավիճակում պետության ղեկավարը համար մեկն է, ում խոսքի կարիքն ունի ողջ հանրությունը։ Փաստացի, հանրության աչքի առաջ նա կարողացավ վարել, անմիջական վերահսկողության տակ պահել ողջ մարտը՝ առանց ավելորդ PR-ի ու պաթետիկ հռետորաբանության։

Եթե փորձենք էլ ավելի բացել որոշակի փակագծեր, ապա վստահաբար պետք է արձանագրենք, որ այս պայքարում ու կազմակերպված գործողություններում ակնհայտորեն առկա է Ապրիլյան քառօրյայի հետքը, քանի որ ռազմական ղեկավարությունը հաշվի է առել Ապրիլյանի դասերը։ Այս ամենի հետ մեկտեղ կարևոր է փաստել, որ շատ էական է, երբ հաշվի են անում նախկինում արված բացթողումներն ու սխալները։ Կարևոր է նաև այն, որ այսօր մեր կողքին են Արցախյան պատերազմի բովով անցած ռազմա-քաղաքական ղեկավարներն ու գեներալները ու չի կարելի անտեսել նրանց կարծիքն ու փորձը և մշտապես խորհուրդ հարցնել։

Արմեն Ադամյան

Pressmedia.am