ժողովուրդը ունի հստակ դիրքորոշում՝ երբեք հնին չվերադառնալու
Pressmedia.am կայքի զրուցակիցը Իմ քայլը խմբակցության պատգամավոր Սոֆիա Հովսեփյանն է։
—Տիկին Հովսեփյան, վերջերս լուրեր են շրջանառվում, որ «Իմքայլը» խմբակցությունում կան տարաձայնություններ, ավելին, խոսվում է որոշ պատգամավորների՝ մանդատը վայր դնելու մասին։ Կասեք՝ ի՞նչ է կատարվում ձեր խմբակցությունում։
— Կան որոշ հարցերի շուրջ տարբեր կարծիքներ, որոնք միշտ էլ եղել են բոլոր խմբակցություններում։ Նորմալ գնացող ընթացք է, կան կարծիքներ, քննարկումներ, բանավեճեր, որոնք այսպես ասված քննարկվում են և հանգուցալուծումը թե ինչ ընթացք կստանա` հստակ ոչ ոք ասել չի կարող։
— Երեք ընդդիմադիր ուժեր հոկտեմբերի 8-ին հանրահավաք են անցկացնելու։ Նրանք ասում են, որ ժողովուրդը դժգոհ է և այդ դժգոհությունը բարձրաձայնելու են հրապարակի հարթակից։ Ինչպե՞ս եք վերաբերվում այս հայտարարությանը։
— Հայտարարողները ունեն բոլոր իրավունքները այդ հայտարարությունը տալու, որին ես հարգանքով եմ մոտենում, իրենց որոշումն է դա հայտարարելը։ Կարծում եմ, որ շատ շտապել պետք չի, հոկտեմբերի 8-ին հստակ կտեսնենք ժողովրդի դժգոհությունը, եթե կա։ Եթե չկա, ապա կրկին հստակ կտեսնենք և բովանդակային կհասկանանք, թե ինչ դժգոհության մասին է խոսքը։ Լինել թե չլինելու մասին է խոսքը, թե այլ է։ Ես, քանի որ չգիտեմ, չեմ կարող գնահատել կամ ասել` վայ, գիտեք, վախեցել ենք այդ դժգոհության ալիքից: Իրականում ես անընդհատ ժողովրդի մեջ կամ և անընդհատ լինում եմ ու գիտեմ, որ ժողովուրդը ունի հստակ դիրքորոշում` երբեք հնին չվերադառնալու, ինչը ցավով եմ ասում, որ իրենք չեն գիտակցել և չեն տեսնում, երկրորդը, ժողովուրդը շատ լավ տարբերում է բոլոր նախկին ուժերի հետ այսպես ասած կոալիցիա դարձած կուսակցություններին և ուժերին, և ժողովուրդը այդ մասին շատ հստակ ասում է։ Ես ցավով եմ ասում, որ իրենք չեն գիտակցում այս ամենը և ժողովրդի անունից հայտարարություն են տարածում։ Եվ երրորդը, պետք է ուղղակիորեն ոչ թե այսպես ասած` «Մեծ-մեծ խոսել», այլ պետք է մեկ-մեկ էլ շունչ քաշել և հասկանալ իրողությունները։ Այո, կան հարցեր որոնց հետ կապված ժողովուրդը կարող է դժգոհել, բայց միևնույն ժամանակ այդ հարցերի 99%-ը շատ սուբեկտիվ են, ինչո՞ւ, որովհետև ժողովրդի որոշ մասսաներ ակնկալում է, որ հենց հիմա պետք է լուծվի այս հարցը, որը շատ մեծ գումարների հետ է կապված, բայց պլանավորված է մեկ տարի հետո լուծելու, և երբ իրենց բացատրում ես դա, իրենք ամեն ինչ հասկանում են, այսինքն այն աշխատանքները, որոնք կատարվել են այս 2 տարիների ընթացքում, և 3 տարում չի արվել, ցույց ես տալիս, և մարդիկ գիտակցում են մասնավորապես ունեցած գումարի բազայով, և կատարած աշխատանքի կատարողականությունը շատ բարձր է և անհրաժեշտություն կա մատուցելու ժողովրդին։ Այդ նույն ժողովուրդը, որի անունից իրենք խոսում են, պատրաստ են այդ կատարած աշխատանքը տեսնելու և ոչ թե իրենց քաղաքական շահարկումները լսելու։
—Դուք, որպես իշխանության ներկայացուցիչ, գո՞հ եք ձեր ընդդիմությունից և նրանց գոյությունը արդյոք ուժեղացնո՞ւմ է ձեզ։
— Ուժեղացնում է թե ոչ` դա չեմ կարող ասել, բայց այնքան էլ գոհ չեմ, որովհետև ես ակնկալում էի քաղաքական և ավելի արդյունավետ բանավեճ, բայց, ցավոք, այդ բանավեճերը միշտ չի, որ ստացվում են։
Կարինե Ստեփանյան
1
2
3
4
5
1
2
3
4
1
2
3
5
