Փաշինյանի հանձնարարականը կնոջ սրտով չի
Արդեն մի քանի օր է, ինչ հասարակության ուշադրության կենտրոնում կրկին առողջապահական քաղաքականությունն է: Այս անգամ էլ որոշվել էր, որ հեկտեմբերի 1-ից այլևս չի պաշտոնավարելու Յոլյանի անվան արյունաբանական կետրոնի տնօրենը: Աշխատակիցների համառ պայքարի արդյունքում՝ վարչապետ Նիկոլ Փաշինյանը հանձնարական տվել առողջապահության նախարարին՝ երկարաձգել պայմանագիրը:
Ժամեր անց վարչապետի կինը՝ Աննա Հակոբյանը, ֆեյսբուքյան գրառմամբ հայտնեց, որ դադարեցնում է իր աշխատանքը «Ժպիտների քաղաք» բարեգործական հիմնադրամի հոգաբարձուների նախագահի պաշտոնում: Վարչապետի տիկնոջ գրառման մեկնաբանություններում քաղաքացիները մեծամասամբ դրական էին արտահայտվում և ափսոսանք հայտնում նման որոշման համար, սակայն բոլոր մեկնաբանություները մի ընդհանուր հարց ունեին՝ արդյո՞ք կշարունակվի նույն դրամական հոսքերի մուտքը հիմնադրամ:
Մի կողմից Աննա Հակոբյան անձի վստահությունն է անհրաժետ, մյուս կողմից էլ տիկին Հակոբյանը գրառման մեջ միայն մի կարևոր կետ էր առանձնացրել: Խոսքը նրա մասին է, որ վարչապետի կինը նշել է, որ հիմնադրամը ապահով ձեռքերում է: Իսկ ինչպես եղավ, որ հրաժարականը հաջորդեց վարչապետի գրառմանը, որով հանձնարարել էր երկարաձգել Արյունաբանական կենտրոնի տնօրենի հետ աշխատանքային պայմանագիրը:
Antifake.am-ի աղբյուրը այլ բացատրություն է տվել․ Աննա Հակոբյանը ուներ Արյունաբանականի իր թեկնածուին, վարչապետն էլ այլ քայլ է արել, որի պատասխանը դարձել է հրաժարականի պատճառ:
Ըստ սկզբաղբյուր կայքի՝ «Հաշվի առնելով երկրում և բուժհաստատություններում առկա առանց այն էլ լարված իրավիճակը, ինչպես նաև հասկանալով, որ իրավիճակը գնալով կարող է ավելի պայթյունավտանգ դառնալ՝ Նիկոլ Փաշինյանը որոշել է հետ կանգնել պրոֆեսոր Դանիելյանին ազատելու որոշումից։ Սակայն Աննա Հակոբյանը, տարված լինելով իր թեկնածուին այդ պաշտոնին նշանակելու մոլուցքով, պահանջել է շարունակել սկսված ապօրինի գործընթացը՝ նշելով, որ դուրս եկող բուժաշխատողների փոխարեն ևս կնշանակվեն «իրենց մարդիկ»։ Սրան դեմ է եղել Նիկոլ Փաշինյանը և իր ֆեյսբուքյան էջում տեղեկացրել է Արսեն Թորոսյանին տված հանձնարարականի մասին, համաձայն որի՝ Ռ․Յոլյանի անվան Արյունաբանական կենտրոնի տնօրենի աշխատանքային պայմանագիրը պետք է երկարացվի»,- գրում է աղբյուրն ու հավելում, որ այդ հրապարակումից հետո վարչապետի տիկինը հայտնել է, որ այդ դեպքում ինքն էլ վայր կդնի «Ժպիտների քաղաք» բարեգործական հիմնադրամի հոգաբարձուների խորհրդի նախագահի լիազորությունները և ի պատասխան Նիկոլ Փաշինյանի ֆեյսբուքյան գրառման ինքն էլ իր հերթին է ֆեյսբուքյան գրառում արել՝ տեղեկացնելով հանրությանը այդ մասին :
Աննա Հայկոբյանի նախընտրած թեկնածուի անունը դեռ պարզ չէ: Առջևում ամենահետաքրքիրն է…
Աննա Ավետիսյան
1
2
3
4
5
1
2
3
4
1
2
3
5
