Երևանում բացահայտված ահաբեկչական հանցախումբը կապ է ունեցել ընդդիմադիր ուժերից մեկի հետ

1in.am-ը գրում է.

«Առաջին լրատվական»-ի տեղեկություններով ժամեր առաջ Նորք Մարաշում հայտնաբերված և զինաթափված ահաբեկչական խմբի մեջ սփյուռքահայեր են եղել։ Բացի դա, նույն տեղեկությունների համաձայն ահաբեկչական գործողություններ նախապատրաստող հանցախումբը առնչություն ունի գործող քաղաքական ուժերից մեկի հետ։Որոշ տեղեկություններով՝ վնասազերծվածները զինված էին ժամանակակից զինամթերքով ու պայթուցիկներով:

Հիշեցնենք, որ նոյեմբերի 25-ին, ՀՀ Ազգային անվտանգության ծառայության և նույն ծառայության հակաահաբեկչական (Ալֆա) վարչության և Ոստիկանության կազմակերպված հանցավորության դեմ պայքարի գլխավոր վարչության աշխատակիցները, իրացնելով ստացված օպերատիվ տեղեկությունները, Երևանում կանխել են լուրջ և մեծ հանցագործություն:

Ինչպես հայտնում է shamshyan.com-ը, այս պահին մեծ թվով ԱԱԾ-ականներ, ինչպես նաև ԱԱԾ հատուկ նշանակության աշխատակիցներ գտնվում են Նորք Մարաշ վարչական շրջանի 9-րդ փողոցում, որի սեփական տներից մեկում վնասազերծել են մինչ ատամները զինված մի քանի անձանց:
Այս պահին նշված փողոցը մեծ թվով ոստիկանության ծառայությունների կողմից վերցվել է ուժեղացված հսկողության տակ, իսկ նշված տան ներսում ԱԱԾ-ականներն ու, ըստ երևույթին, նաև ԱԱԾ քննչական գլխավոր վարչության աշխատակիցները քննչական փորձարարություն են կատարում: