Ադրբեջանը չի փոխել իր մարտավարությունը Հայաստանի Հանրապետության և Արցախի հիմնախնդրի ուծման հետ կապված
Հասարակություն
Երեկ Ադրբեջանի գլխավոր դատախազությունը հայտարարել էր երկու հայ սպաների՝ Վարդանյան Վազգեն Բախշիկի և Ջամալյան Արմեն Գնելի, միջազգային հետախուզում։
Այս թեմայի շուրջ Pressmedia.am կայքի լրագրողը զրուցել է ռազմական փորձագետ Հայկ Նահապետյանի հետ։ Հարցին, թե ինչ է նշանակում հայտարարությունը ,փորձագետը պատասխանել է․
-«Ադրբեջանը փաստում է հերթական անգամ, որ գերեվարված հայ սպան ոչ թե ծառայության ժամանակ մոլորված և Ադրբեջանի սահմանը անցած սպա է, այլ դիվերսիոն հետախուզական խմբի անդամ և որի անդամներն են այդ երկու սպաները, ում նկատմամբ Ադրբեջանը միջազգային հետախուզում է հայտարարել։ Ադրբեջանը հետամուտ է լինելու, որ hայաստանյան զրնված ուժերի սպայակազմը կոնկրետ մարտական խնդիր էր լուծում Ադրբեջանի տարածքային ամբողջականության խախտմամբ և կոնկրետ նրանց զինված ուժերի որոշակի հենակետերի նկատմամբ դիվերսիոն գործողություններ կատարելու պատճառաբանությամբ։ Չի փոխվել Ադրբեջանի մոտեցումը։ Ադրբեջանի կողմից Հայաստան ներխուժած ամբողջական խմբավորմամբ պատրաստված սպաներ, որոնք տարիներ առաջ ձեռբակալվեցին Վարդենիսի ուղղությամբ, որոնք նաև քաղաքացիական անձանց էին սպանել, առ այսօր Ադրբեջանի իշխանությունները ներկայացնում են, որպես քաղաքացիական անձինք, որոնք պատահմամբ անցել են Հայաստանի Հանրապետության սահմանը։ Ադրբեջանը չի փոխել ոչ իր մարտավարությունը, ոչ ռազմավարությունը Հայաստանի Հանրապետության և Արցախի հիմնախնդրի լուծման հետ կապված։ Որքան էլ Հայաստանի իշխանությունները ցանկանան ասել, որ Ալիևը ճիշտ մարդ է՝ վերելակային դիվանագիտություն է այն տեսակետը, որով պետք է լուծել Արցախյան հիմնախնդիրը»։
Արամ Սիմոնյան
1
2
3
4
5
1
2
3
4
5
3
