Ներմուծմամբ զբաղվող ընկերությունները դեմ են ԵԱՏՄ կարգավորմանը
Հասարակություն
Համաձայն ԵԱՏՄ կարգավորման՝ բոլոր երկրները պետք է նույն սկզբունքով ապրանքների ներմուծում իրականացնեն: Մինչ այս գործել են անցումային դրույթեր, բայց 2020թ-ի սեպտեմբերի 1-ից Հայաստանում ևս հագուստի մաքսազերծումը պետք է նոր կարգով իրականացվի։ Այսինքն հագուստը ևս կմաքսազերծվի, բոլոր այլ ապրանքների մաքսազերծման ընթացակարգերով։
Նոր կարգի համաձայն այն կիլոգրամով չի մաքսազերծվի, իսկ հաշիվ-ապրանքագրերում պետք է նշված լինի ապրանքների ստույգ քանակը, գները, անվանումներն ու մոդելները, իսկ ինֆորմացիայի թերի հայտարարագրումը կբերի վարչարարության կիրառման։ Բացահայտ իջեցված գներով, թերի ինֆորմացիայով, թերի փաստաթղթերով ապրանք մաքսազերծելիս կկիրառվեն մաքսային արժեքի որոշման այլ գործիքակազմեր՝ գնի ճշտում, գների բազայի և վերջին մի քանի ամիսների ընթացքում ներմուծված նույնանման ապրանքների գների հետ համադրման միջոցով:
Թուրքիայից ներմուծում կատարելիս, մեծամասնությունը չի կարողանա ամբողջական փաստաթղթային փաթեթն ապահովել, այս դեպքում կկիրառվեն վերը նշված մեթոդները։ Մնացած բոլոր երկրներից ցանկության դեպքում հնարավոր է ապահովել ամբողջական փաթեթը և, եթե գները կասկած չառաջացնեն, մաքսազերծումը կկատարվի առաջին մեթոդով, այսիքն` ինվոյսային արժեքով։
Ի դեպ, պետք է ուշադրություն դարձնել նաև այն հանգամանքին, որ արգելվում է Հայաստանի Հանրապետություն ներմուծել կեղծ բրենդային ապրանքներ։ Հետևաբար, կեղծված բրենդային ապարանքները չբացահայտելու դեպքում դրանք կմաքսազերծվեն բրենդային ապրանքների գներով, ինչը տնտեսվարողների համար շահեկան չի լինի, իսկ բացահայտվելու դեպքում այն կունենա ցավալի հետեևանքներ՝ ապրանքի առգրավում, ոչնչացում և այլն:
Որոշումը վերաբերում է սեպտեմբերի 1-ից հետո արտահանվող երկրից դուրս եկող ապրանքներին միայն, իսկ եթե այսօր արդեն ապրանքը ճանապարհին է, ապա այն կմաքսազերծվի նախկին մեթոդներով: Ներմուծմամբ զբաղվող տնտեսվարողները, սակայն, դեմ են այս որոշմանը և այսօր բողոքի ակցիա են իրականացնում կառավարության և ՊԵԿ-ի դիմաց, պահանջելով, որ այդ որոշումը չեղարկվի:
Աննա Անդրեասյան
1
2
3
4
5
2
5
2
4
5
