ՔՊ-ից հեռացածները. կուսակցության անդամները իրենց խաբվա՞ծ են զգում
ՎերլուծությունՕրերս միջադեպ է գրանցվել «Քաղաքացիական պայմանագիր» կուսակցության նախկին անդամ Արա Դորվանյանի և Նիկոլ Փաշինյանի թիկնազորի միջև։ ՔՊ նախկին անդամը, տեսնելով վարչապետի ավտոշարասյունը, «Իմ քայլի» նախընտրական բուկլետներ է նետել վարչապետի շարասյան վրա և հայհոյել։
Միջադեպից հետո Դորվանյանը տարվել է ոստիկանություն։ Դորվանյանը ՔՊ նախկին անդամ է և դուրս է եկել կուսակցությունից, քանի որ իր իսկ խոսքերով՝ լինելով քրիստոնյա, ավանդապաշտ արժեքներին հարող անձ, չէր կիսում կուսակցության անդամ Լարա Ահարոնյանի ներկայությունը կուսակցության շարքերում, և ամենացավալին իր համար այն էր, որ՝ Փաշինյանից սկսած, Արայիկ Հարությունյանով վերջացրած, ջատագովում են Լարա Ահարոնյանի հայացքները՝ վտանգելով մեր հայկական արժեհամակարգը:
ՀՀ վարչապետի աշխատակազմի գործերի նախկին կառավարիչ Գևորգ Աճեմյանը նույնպես հեղափոխությունից հետո դուրս է եկել «Քաղաքացիական պայմանգիր» կուսակցությունից: Ֆեյսբուքյան ուղիղ եթերում նա խոսել էր պատճառների մասին: Մասնավորապես, Գևորգ Աճեմյանը նշել էր, որ կուսակցությունը նախապես հաստատել է ռեյտինգային ընտրակարգով իր առաջադրումը, իսկ հետո մերժել՝ առանց հիմնավորումների: Նա նշում էր, որ «Քաղաքացիական Պայմանագիր» կուսակցությունում տոտալ դիկտատուրա է տիրում՝ ասվում է վերևից և արվում է:
Ամուլսարի տարածքում հերթապահություն իրականացնող Ջերմուկի բնակիչ Տիգրան Սահակյանը, ով նույնպես ՔՊ-ից էր,դուրս է եկել կուսակցությունից, պատճառաբանելով Փաշինյանի դիրքորոշումը Ամուլսարի գործարկման հարցում:
«Քաղաքացիական պայմանագիր» կուսակցության համահիմնադիր, Շիրակի պետական համալսարանի դասխոս Արթուր Համբարձումյանը ՔՊ-ից դուրս է եկել հեղափոխությունից մեկ տարի առաջ:
Հեղափոխությունից հետո ասվում էր, որ շուրջ 10 հազար քաղաքացի ցանկություն են հայտնել համալրել ՔՊ շարքերը: Սակայն ինչպես տեսնում ենք,ընթանում է լրիվ այլ գործընթաց և ՔՊ հիմնադրամ ակունքներում կանգնած անձինք հեռանում են կուսակցությունից՝պատճառ բերելով Փաշինյանի և իր թիմի կողմից՝ իշխանության գալուց հետո քաղաքական գծի կտրուկ շեղումը նախապես հայտարարված արժեհամակարգից:
1
2
3
4
5
1
3
1
2
